Sri Lanka Economic Crisis: શ્રીલંકાના માથે તોળાયુ ખાદ્ય સંકટ, એક બ્રેડ માટે ચૂકવવા પડે છે આટલા બધા રૂપિયા

શ્રીલંકા ખૂબ જ ગંભીર ખાદ્ય સંકટ (Sri Lanka Economic Crisis)નો સામનો કરી રહ્યું છે. શ્રીલંકામાં લોકો માટે સોના કરતા દૂધ ખરીદવું વધુ મુશ્કેલ થઈ ગયું છે. શ્રીલંકાનો વિદેશી મુદ્રા ભંડાર (Sri Lanka Foreign Exchange) ખાલી થઈ ગયો છે. શ્રીલંકાની (Sri Lanka)માથે ચીન સહિત અનેક દેશોનું દેવું છે. જાન્યુઆરીમાં શ્રીલંકાનો વિદેશી મુદ્રા ભંડાર 70 ટકાથી ઘટીને 2.36 અરબ ડોલર થઈ ગયો છે. શ્રીલંકામાં વિદેશી મુદ્રા અછત છે. આ કારણોસર શ્રીલંકા ભોજન દવા, ફ્યુઅલ અને ઈંધણ સહિત અન્ય જરૂરી વસ્તુઓ વિદેશથી આયાત કરી શકતું નથી.

એન.કે.સીલોન બેકરી ઓનર્સ એસોસિએશનના અધ્યક્ષ જયવર્ધને કેટલીક જાણકારી આપી છે. તેમણે જણાવ્યું કે, કેટલાક શહેરી વિસ્તારોમાં રસોઈ ગેસની અછત વર્તાઈ રહી છે. જેના કારણે એક બ્રેડની કિંમત રૂ. 150 (0.75 ડોલર) થઈ ગઈ છે.

શ્રીલંકામાં રસોઈ ગેસની અછત વર્તાઈ રહી છે જેના કારણે અનેક બેકરીઓ બંધ થવાને આરે છે. ઈન્ડસ્ટ્રી એસોસિએશને આપેલ જાણકારી અનુસાર શ્રીલંકામાં વિદેશી મુદ્રાની અછતને કારણે ગેસની આપૂર્તિ નથી રહી.

શ્રીલંકામાં ઈંધણની કમીને કારણે વીજળીયુક્ત સાધનોને બંધ કરવાની ફરજ પડી છે. શ્રીલંકામાં લોકો વીજળીના કાપનો સામનો કરી રહ્યા છે. દિવસમાં 7 કલાકથી વધુ સમય સુધી વીજળી બંધ કરી દેવામાં આવે છે.

શ્રીલંકા ગંભીર મૌદ્રિક સંકટનો સામનો કરી રહ્યું છે. શ્રીલંકામાં ડિસેમ્બર 2021માં રાષ્ટ્રીય ઉપભોક્તા મૂલ્ય સૂચકાંક પર આધારિત મુદ્રાસ્ફિતિ (inflation) દર 14 ટકા થઈ ગયો છે. નવેમ્બરમાં મુદ્રાસ્ફિતિ દર 11.1 ટકા હતો. રાષ્ટ્રીય ઉપભોક્તા મૂલ્ય સૂચકાંક અનુસાર ડિસેમ્બરમાં ખાદ્ય વસ્તુઓની કિંમતમાં 6.3 ટકા વૃદ્ધિ થઈ અને બિન ખાદ્ય વસ્તુઓની કિંમતમાં 1.3 ટકાની વૃદ્ધિ થઈ છે.

શ્રીલંકામાં વિદેશી મુદ્રાનો ભંડાર ઘટી રહ્યો હોવાને કારણે, શ્રીલંકા હાલમાં વિદેશી મુદ્રા સંકટનો સામનો કરી રહ્યું છે. આ કારણોસર શ્રીલંકાની મુદ્રાનું મૂલ્ય સતત ઓછી થઈ રહ્યું અને આયાત પણ મોંઘી થઈ રહી છે. આ પરિસ્થિતિમાં ભારતે પણ શ્રીલંકાને 90 કરોડ ડોલરથી વધુ દેવું આપવાની જાહેરાત કરી હતી. જે વિદેશી મુદ્રા ભંડારની વૃદ્ધિમાં અને ખાદ્ય વસ્તુઓ આયાત કરવામાં મદદરૂપ થશે

શ્રીલંકાએ સૌથી વધુ દેવું ચીન પાસેથી લીધું હતું. શ્રીલંકાએ ચીન પાસેથી 5 અરબ ડોલર કરતા વધુ દેવું લીધું છે. ગયા વર્ષે શ્રીલંકાએ નાણાકીય સંકટ દૂર કરવા માટે ચીન પાસેથી વધુ 1 અરબ ડોલરનું દેવું લીધું હતું. આગામી 12 મહિનામાં શ્રીલંકાએ ઘરેલુ અને વિદેશી લોનની ચૂકવણી માટે 7.3 અરબ ડોલરની જરૂર પડશે.