સપના ચૌધરીએ કોંગ્રેસમાં જોડાવા માટે મૂકી આ શરત!

હરિયાણવી ડાન્સર અને બિગ બોસ ફેમ સપના ચૌધરી કોંગ્રેસમાં સામેલ થવાની ચર્ચા ખૂબ ચાલી રહી છે. સપના છેલ્લા દોઢ મહિનાથી કોંગ્રેસના સંપર્કમાં છે. સૂત્રોનું માનીએ તો સપના ચૌધરીએ કોંગ્રેસની સામે એક શરત મૂકી છે જેના કારણે તે હજુ સુધી કોંગ્રેસમાં જોડાઈ નથી. હવે સવાલ એ ઊભો થઈ રહ્યો છે કે સપનાએ એવી કઈ શરત મૂકી કે જેને કોંગ્રેસ દોઢ મહિનાનો થયો હોવા છતાંય માની નથી શકી.

સૂત્રોનું માનીએ તો સપના ચૌધરીએ કોંગ્રેસ સામે શરત મૂકી હતી કે જો પાર્ટી તેને ચૂંટણી લડાવે છે તો તે કોંગ્રેસ પાર્ટીમાં સામેલ થઈ શકે છે. હવે અહેવાલ એવા છે કે કોંગ્રેસ સપનાને મથુરાથી ચૂંટણી લડાવવાની તૈયારી કરી રહી છે. ઉલ્લેખનીય છે કે, સપનાની યૂપી અને બિહારમાં પણ ખૂબ જ ફેન ફોલોઈંગ છે. તેને જોઈ કોંગ્રેસ આ નિર્ણય લઈ શકે છે. સૂત્રો અનુસાર મથુરાથી હેમા માલિની વિરુદ્ધ સપનાને મેદાનમાં ઉતારી શકે છે.

બીજી તરફ, જો સપના ચૌધરી મથુરાથી લડે છે તો હેમા માલિનીથી તેનો મુકાબલો ઘણો રસપ્રદ સાબિત થઈ શકે છે. જણાવી દઈએ કે હજુ સુધી આ અહેવાલ માત્ર અફવા જ છે, કોઈ પ્રકારની કોઈ ઓફિશિયલ જાહેરાત નથી થઈ.

નોંધનીય છે કે, છેલ્લા ઘણા સમયથી સપનાની કોંગ્રેસમાં સામેલ થવાની વાત ચાલી રહી છે. સપના ચૌધરી થોડા દિવસો પહેલા કોંગ્રેસ હેડક્વાર્ટર પહોંચી હતી. આ ઉપરાંત તે સોશિયલ મીડિયા પર અનેકવાર રાજકારણ સાથે જોડાયેલી પોસ્ટ શેર કરતી જોવા મળી છે.

સપના ચૌધરીએ પીએમ મોદીની વિરુદ્ધ એક ટ્વિટ કરીને કહ્યું હતું કે, મોદીજી આપ તો માત્ર પ્રેરિત કરો છો ભાજપને વોટ આપવા માટે, પરંતુ રાહુલ ગાંધી મજબૂર કરી દે છે ભાજપને વોટ આપવા માટે. ત્યારબાદ તે આખો દિવસ ટ્રોલ થતી રહી જોક, તેણે બાદમાં ટ્વિટનો ડિલીટ કરી દીધું હતું.