વીરતા પુરસ્કારની જાહેરાત, મેજર શુભાંગને કીર્તિ ચક્ર, જાણો કોને મળ્યું શૌર્ય ચક્ર

3 ઉત્તમ યુદ્ધ સેવા મેડલ, 52 અતિ વિશિષ્ટ સેવા મેડલ, 1 અતિ વિશિષ્ટ સેવા મેડલ બાર, 10 યુદ્ધ સેવા મેડલ, 4 સેના મેડલ બાર (ફરજની નિષ્ઠા), 36 સેના મેડલ, 2 નેવી મેડલ બાર (મરણોત્તર), 11 નેવી મેડલ (મરણોત્તર), ફરજ પ્રત્યેની નિષ્ઠા) સહિત 3 મરણોત્તર, 14 વાયુ સેના મેડલ (ડ્યુટી પ્રત્યેની નિષ્ઠા), 2 વિશિષ્ઠ સેવા મેડલ બાર અને 126 વિશિષ્ટ સેવા મેડલ. કીર્તિ ચક્રથી મેજર શુભાંગ અને નાઈક જિતેન્દ્ર સિંહને સન્માનિત કરવામાં આવશે. જ્યારે શૌર્ય ચક્ર મેજર આદિત્ય ભદોરિયા, કેપ્ટન અરુણ કુમાપ, કેપ્ટન યુદ્ધવીર સિંહ, કેપ્ટન રાકેશ ટીઆર, નાઈક જસબીર સિંહ (મરણોત્તર), લાન્સ નાઈક વિકાસ ચૌધરી અને કોન્સ્ટેબલ મુદાસિર અહેમદ શેખ (મરણોત્તર)ને એનાયત કરવામાં આવશે.

ભારતીય કોસ્ટ ગાર્ડના ડાયરેક્ટર જનરલ વરિન્દર સિંહ પઠાનિયાને પરમ વિશિષ્ટ સેવા મેડલ એનાયત કરવામાં આવ્યો હતો. આ વર્ષે કુલ 29 સેવા આપતા અને નિવૃત્ત અધિકારીઓને તેમની વિશિષ્ટ સેવાઓ બદલ PVSM એનાયત કરવામાં આવ્યા છે.

ચિનાર કોર્પ્સ કમાન્ડર લેફ્ટનન્ટ જનરલ અમરદીપ સિંહ ઔજલાને ઉત્તમ યુદ્ધ સેવા મેડલ (UYSM) એનાયત કરવામાં આવ્યો છે. 3 કોર્પ્સ કમાન્ડર લેફ્ટનન્ટ જનરલ આર.કે. તિવારી અને 14 કોર્પ્સ ચીફ લેફ્ટનન્ટ જનરલ એ.કે. સેનગુપ્તાને પણ UYSM થી સન્માનિત કરવામાં આવ્યા છે.

આર્મી રિસર્ચ એન્ડ રેફરલ હોસ્પિટલના બ્રિગેડિયર સંજય મિશ્રાને આ 74મા પ્રજાસત્તાક દિવસે અતિ વિશિષ્ટ સેવા મેડલ (AVSM) એનાયત કરવામાં આવ્યો હતો. ત્રણેય સેવાઓના કુલ 52 અધિકારીઓને આ વર્ષે AVSM એનાયત કરવામાં આવ્યા છે.

28 આર્મી ડોગ યુનિટના ભારતીય સેનાના કૂતરા 'ઝૂમ'ને મરણોત્તર ઉલ્લેખ-ઇન-ડિસ્પેચ વીરતા પુરસ્કાર એનાયત કરવામાં આવ્યો હતો. ગયા વર્ષે 9 ઓક્ટોબરના રોજ જમ્મુ અને કાશ્મીરના અનંતનાગ જિલ્લાના તંગપાવા વિસ્તારમાં ઓપરેશન દરમિયાન બે ગોળી વાગતા ઝૂમનું મૃત્યુ થયું હતું.

સ્વર્ગસ્થ કમાંડર નિશાંત સિંહને નવેમ્બર 2020માં મિગ-29K વિમાન દુર્ઘટનામાં તેમના તાલીમાર્થી પાયલટનો જીવ બચાવવા બદદ નૌસેના પદક( શૌર્ય ચક્ર, મરણોત્તર)થી સન્માનીત કરવામાં આવ્યા હતા.