Sharad Yadav: 27 વર્ષની ઉંમરે સંસદમાં પહોંચ્યા, 4 વાર રહ્યા કેબિનેટ મંત્રી, કંઈક આવી છે શરદ યાદવની રાજકીય કરિયર

Sharad Yadav Political Carrer: મુખ્ય સમાજવાદી નેતા શરદ યાદવે ગુરુવારે 75 વર્ષની ઉંમરે અંતિમ શ્વાસ લીધા હતા. જેપી આંદોલનમાંથી નીકળેલા વિદ્યાર્થી નેતા શરદ યાદવે દેશની રાજનીતિમાં એક લાંબી ઈનિંગ્સ રમી છે. આઝાદીના થોડા દિવસ પહેલા 1947થી મધ્ય પ્રદેશના હોશંગાબાદમાં જન્મેલા શરદ યાદવનું રાજકીય જીવન ખૂબ જ ઉતાર-ચડાવવાળુ રહ્યું છે. તો આવો જાણીએ તેમના જીવન સાથે જોડાયેલી અમુક વાતો...

પૂર્વ કેન્દ્રીય મંત્રી અને જનતા દળ યૂનાઈટેડના પૂર્વ અધ્યક્ષ શરદ યાદવનું ગુરુવારે 75 વર્ષની ઉંમરે નિધન થઈ ગયું. બિહાર અને દેશની રાજનીતિમાં મોટા નામોમાં સામેલ શરદ યાદવે લાંબી રાજકીય ઈનિંગ્સ રમી છે.

દેશમાં સમાજવાદી નેતાઓમાં ગણાતા શરદ યાદવ બિહારની મધેપુરા સીટથી ચાર વાર સાંસદ રહ્યા હતા. યાદવ પહેલી વાર 1974માં લોકસભા ચૂંટણી જીતીને 27 વર્ષની ઉંમરે સાંસદ બન્યા હતા. એન્જીનિયરિંગથી ગ્રેજ્યુએટ કરનારા યાદવે જય પ્રકાશ નારાયણની કોંગ્રેસ પાર્ટી વિરુદ્ધ જબલપુર પેટાચૂંટણીમાં જનતા પાર્ટીના ઉમેદવાર બનીને મેદાનમાં ઉતર્યા હતા.

ત્યાર બાદ તેઓ 1977માં ફરી ચૂંટાયા. 1986માં શરદ યાદવે રાજ્યસભામાં નિર્વાચિત થઈને પહોંચ્યા. ત્યાર બાદ આ સિલસિલો રોકાયો નહીં. યાદવ સતત સાંસદ તરીકે પોતાની ખુરશી બનાવી રાખી હતી અને 1977માં જીત હાંસલ કરી. જોકે 1980માં તેમને હારનો સામનો કરવો પડ્યો હતો.

1989-90માં શરદ યાદવને કેન્દ્રીય કેબિનેટમાં સામેલ કર્યા અને તેમને કપડા અને ખાદ્ય ઉદ્યોગ મંત્રાલય સોંપવામાં આવ્યું. 1991માં 10મી લોકસભા માટે યાદવ ફરી એક વાર સંસદ પહોંચ્ા. 1995માં યાદવને જનતા દળના કાર્યકારી અધ્યક્ષ બનાવ્યા અને 1997માં તેઓ પાર્ટીના અધ્યક્ષ તરીકે ચૂંટાઈ આવ્યા.

શરદ યાદવ સંસદની કેટલીય સમિતિઓમાં સામેલ રહ્યા. આ ઉપરાંત તેમણે પોતાના રાજકીય જીવનમાં ચાર મંત્રાલયનો કાર્યભાર સંભાળ્યો છે. શરદ યાદવનું જીવન ઉચ્ચ પડાવોમાંથી એક ત્યારે હતું જ્યારે 1999ની સામાન્ય ચૂંટણીમાં મધેપુરા સીટથી લાલૂ પ્રસાદ યાદવને હરાવ્યા હતા. આ જીતે તેમને વાજપેયી સરકારમાં મંત્રી પદ અપાવ્યું હતું. જો કે, લાલૂ સાથે તેમના સંબંધો જાળવી રાખ્યા હતા. યાદવે જેડીયૂ છોડી નવી પાર્ટી લોકતાંત્રિક જનતા દળનું ગઠન કર્યું અને તેની સફળતા બાદ તેણે પાર્ટીને લાલૂની પાર્ટી રાષ્ટ્રીય જનતા દળમાં વિલય કરી નાખ્યો.

રાજકીય જીવનમાં શરદ યાદવને કેટલાય મોટા નેતાઓ સાથે ગાઢ સંબંધો રહ્યા છે. એક સમયે લાલૂ નીતશ સાથે રહેનારા યાદવે મુલાયમ સિંહ યાદવ સાથે પણ સારા સંબંધો રહ્યા હતા. જો કે, આ ત્રણેય નેતાઓની સાથે સંબંધોમાં ખટાશ આવી ગઈ.

શરદ યાદવનું લાંબુ રાજકીય જીવન વિવાદોથી ઘેરાયેલું રહ્યું છે. 2009માં યાદવે સંસદમાં મહિલા આરક્ષણ બિલનો વિરોધ કરતા આત્મહત્યા કરવાની ધમકી આપી હતી યાદવનું કહેવું હતું કે, તેનાથી ખાલી નાના વાળવાળી મહિલાઓને ફાયદો થશે.

આ ઉપરાંત યાદવે કેન્દ્રીય મંત્રી સ્મૃતિ ઈરાની, રાજસ્થાનના પૂર્વ મુખ્યમંત્રી વસુંધરા રાજે સહિત મહિલાઓને લઈને ખૂબ જ વિવાદાસ્પદ ટિપ્પણીઓ આપી હતી, જેને લઈને તેમને ભારે વિરોધનો સામનો કરવો પડ્યો હતો.