Photos of Taiwan Earthquake: તાઇવાનના ભૂકંપથી ભારે તબાહી, તસવીરોમાં જુઓ ક્યાંક બિલ્ડિંગ ધરાશાયી થઈ તૌ ક્યાંક આખેઆખો પુલ પડ્યો

આ વિસ્તારમાં શનિવારે સાંજે 6.4ની તીવ્રતાનો આંચકો મહેસૂસ કરી નાંખ્યો હતો. તાઇવાનના કેન્દ્રીય હવામાન વિભાગ બ્યૂરોએ જણાવ્યુ છે કે, ભૂકંપનું કેન્દ્ર ચિશાંગ શહેર પાસે સમુદ્ર સપાટીથી સાત કિલોમીટર નીચે નોંધવામાં આવ્યું છે. તાઇવાનની સેન્ટ્રલ ન્યૂઝ એજન્સીએ જણાવ્યું છે કે, ભૂકંપને કારણે યુલી શહેર નજીક એક ત્રણ માળની બિલ્ડિંગ ધ્વસ્થ થઈ ગઈ છે. તેના સૌથી નીચેના માળે સાતથી 11 દુકાનો હતી અને ઉપરના માળે લોકો રહેતા હતા.

સમાચાર એજન્સીના જણાવ્યા પ્રમાણે, એક વ્યક્તિને હાલ કાટમાળમાંથી કાઢવામાં આવ્યો છે. ત્યારે રાહત અને બચાવ કર્મચારી બાકીના ત્રણ લોકોના સંપર્કમાં છે. તસવીરોમાં જોઈ શકાય છે કે, ઉપરના બે માળ ધરાશાયી થતાં જ કાટમાળ રસ્તા પર આવી ગયો હતો, તેને કારણે વીજળીના તાર પણ તૂટી ગયા હતા.

સેન્ટ્રલ ન્યૂઝ એજન્સીએ આ મામલે જણાવ્યુ છે કે, યુલીના ગ્રામીણ વિસ્તારને જોડતા રસ્તા પર બનાવવામાં આવેલો પુલ પણ ધ્વસ્ત થઈ ગયો છે અને પોલીસ સહિત રાહત બચાવ કામગીરીના કર્મીઓ ઘટનાસ્થળે પહોંચ્યા હતા. આ દુર્ઘટનામાં એક કરતાં વધુ વાહનો પુલ પરથી પડ્યાં હોવાની આશંકા છે.

ભૂકંપના ઝટકા ઉત્તર સ્થિત તાઇવાનની રાજધાની તાઇપેમાં પણ અનુભવાયા હતા. જાપાનના હવામાન વિજ્ઞાન એજન્સીએ તાઇવાનથી નજીક દક્ષિણમાં આવેલા કેટલાક ટાપુઓને સુનામીની ચેતવણી આપી હતી, પરંતુ થોડા સમય પછી તે પાછી લઈ લીધી હતી.

એજન્સીએ રેલવે પ્રશાસન દ્વારા જણાવ્યુ હતુ કે, યુલી અને ભૂકંપ કેન્દ્ર ચિશાંગ વચ્ચે ફુલી શહેરના ડોંગલી સ્ટેશનના પ્લેટફોર્મ પર બનેલી છત્રી પડવાથી ઊભેલી એક ટ્રેન અને તેનાં ત્રણ ડબ્બા એકબાજુ નમી ગયા હતા.