ન્યુઝીલેન્ડ: મસ્જિદમાં ગોળી વરસાવનાર આતંકી પાસેથી એક બહાદુર યુવકે છીનવી બંદૂક

ન્યૂઝીલેન્ડ સ્થિત ક્રાઈસ્ટર્ચની મસ્જિદમાં થયેલા હુમલામાં પોતાનો જીવ બચાવવા માટે મથી રહેલા લોકોએ ઘટના વીશે પોતાનું નિવેદન નોધાવ્યું છે. લોકોએ જણાવ્યું કે, આતંકીએ કોઈ પણ પરવાહ કર્યા વગર કે સામે કોણ છે, બસ ગોળીબારી કરી રહ્યો હતો. તેણે વૃદ્ધ અને બાળકોને પણ નિશાન બનાવ્યા.

આવી જ એ સમયની ઘટના વિશે અનવર અલસલેહે જણાવ્યું કે, જ્યારે અલ નૂર મસ્જિદમાં હુમલો થયો તો, તે નમાજ કરવા જઈ રહ્યા હતા. અનવર પણ તેજ મસ્જિદમાં હતો. અનવરે કહ્યું કે, જ્યારે હુમલો થયો તો, તે બાથરૂમમાં સંતાઈ ગયો અને પોલીસને ફોન કર્યો.

અનવર અનુસાર, તે બાથરૂમમાંથી સાંભળી રહ્યો હતો કે, લોકો આતંકી સામે પોતાના જીવ માટે વિનંતી કરી રહ્યા હતા, પરંતુ તેણે ત્યાં સુધી ગોળીઓ વરસાવી કે, જ્યાં સુધી તે લોકો મરી ન જાય.

તમને જણાવી દઈએ કે, લિનવુડ મસ્જિદમાં પણ આતંકીએ હુમલો કર્યો અને ત્યાં સાત લોકો મર્યા. ન્યૂઝિલેન્ડ હેરાલ્ડ અનુસાર, અહીં નમાજ પઢવા આવેલા સૈયદ મજહરુદ્દીને જણાવ્યું કે, એક વ્યક્તિ આવ્યો અને ગોળીબારી કરવા લાગ્યો. મસ્જિદમાં કેટલાક લોકો નમાજ પઢી રહ્યા હતા ત્યારે જ તેણે ગોળીઓ ચલાવવાનું શરૂ કરી દીધુ.

સૈયદે જણાવ્યું કે, અહીં કામ કરતા એક યુવકે હુમલાખોર આતંકીનો સામનો કર્યો. મઝહરુદ્દીન અનુસાર, યુવકે જોયુ કે, આતંકીનું ધ્યાન બીજે છે તો, તેણે આતંકીને ધક્કો માર્યો અને તેની બંદૂક પર તૂટી પડ્યો. તેના તુરંત બાદ હુમલાખોર અહીંથી ભાગ્યો અને તેની કારમાં બેસી ઘટના સ્થળથી ભાગી ગયો.