OMG: સોનાના સિક્કા મળ્યાની અફવા બાદ સમગ્ર ગામે શરૂ કરી દીધું નદીમાં ખોદકામ, પરંતુ...

રાયગઢઃ મધ્ય પ્રદેશ (Madhya Pradesh)ના રાયગઢ (Rajgarh) જિલ્લાના કુરાવરથી થોડા જ અંતર પર આવેલા શિવપુરા (Shivapura) અને ગણપુરામાં પાર્વતી નદીમાંથી સોનાના સિક્કા (Gold Coins) નીકળવાની અફવાએ ગામ લોકોમાં ઉત્સુક્તા ઊભી કરી દીધી. અફવા કંઈક એ રીતે વાયુવેગે ફેલાઈ કે લોકોએ નદીને જ ખોદવાનું શરુ કરી દીધું. જોતજોતામાં એક પછી એક ગામના અસંખ્ય લોકો નદી ખોદવા માટે પહોંચી ગયા. (પ્રતીકાત્મક તસવીર)

મામલાની જાણકારી જ્યારે રેવન્યૂ ડિપાર્ટમેન્ટ (Revenue Department)ને મળી તો ત્યાં અધિકારીને તપાસ માટે મોકલ્યા. પરંતુ ત્યાં સોનાના સિક્કા તો ન મળ્યા, પરંતુ ગામના લોકો મોટી સંખ્યામાં ખોદકામ કરતાં ચોક્કસ જોવા મળ્યા. (પ્રતીકાત્મક તસવીર)

શિવપુરા ગામ સીહોર અને રાજગઢ જિલ્લાના સરહદ પર સ્થિત છે. પાર્વતી નદી બંને જિલ્લાઓની વચ્ચેથી પસાર થાય છે. પાંચ દિવસ પહેલા કંઈક એવી પ્રકારની સૂચના ગામ લોકોને મળી કે નદીમાં સોના-ચાંદીના સિક્કા નીકળી રહ્યા છે. ત્યારબાદ એક ગામના લોકોએ પાર્વતી નદીમાં સોનાના સિક્કાઓને શોધવા માટે ખોદકામ શરૂ કરી દીધું. (પ્રતીકાત્મક તસવીર)

છેલ્લા પાંચ દિવસથી અહીં મોટી સંખ્યામાં લોકો એકત્રિત થઈ રહ્યા છે. જેમાં બાળકો અને મહિલાઓનો પણ સમાવેશ થાય છે. આ તમામ લોકો નદીના અલગ-અલગ હિસ્સામાં ખોદકામ કરતાં જોવા મળ્યા. નોંધનીય છે સૂચના મળ્યા બાદ સીહોર પોલીસ પણ તપાસ કરવા માટે પહોંચી. (પ્રતીકાત્મક તસવીર)

મુગલકાલીન સિક્કા મળવાની મળી હતી માહિતી - સરકારી અધિકારી રંજન શર્માએ જણાવ્યું કે, પાર્વતી નદીના કિનારા પાસે જ કુરાવરની પાસે નાના સાહબ મરાઠા રાજાની સમાધિ છે. આ રસ્તેથી જ મુગલ પણ પસાર થયા હતા. એવામાં જ્યારે ગામ લોકોને સૂચના મળી કે નદીમાં 8થી 10ની સંખ્યા મુગલકાલીન સમયના સિક્કા મળ્યા છે તો આ અફવા સમગ્ર વિસ્તારમાં ફેલાઈ ગઈ અને લોકો નદી ખોદવા લાગ્યા. (પ્રતીકાત્મક તસવીર)

ત્યારબાદ પોલીસ અને રેવન્યૂ ડિપાર્ટમેન્ટના અધિકારીઓ પણ જોવા માટે પહોંચ્યા. પરંતુ નદીનું ખોદકામ કર્યા બાદ પણ ગામ લોકોના હાથમાં કંઈ આવ્યું નહીં. પ્રશાસનની ટીમે પણ તેમને સમજાવ્યા કે સિક્કા મળવાની વાત અફવા છે, પરંતુ ગામ લોકો સરળતાથી આ વાતને માનવા માટે તૈયાર નહોતા. (પ્રતીકાત્મક તસવીર)