રાજસ્થાન હોટ સીટ: આ 10 સીટો પર ટકી છે સૌની નજરો, દાવ પર લાગી દિગ્ગજોની શાખ

રાજસ્થાનમાં વિધાનસભા ચૂંટણીના પરિણામો રાજ્યના રાજકારણના અનેક મહારથીઓનું ભવિષ્ય નક્કી કરનારું છે. 199 વિધાનસભા સીટોમાંથી 10 એવી હોટ સીટ છે જ્યાં મોટા નેતાઓની શાખ દાવ પર લાગી છે. તેમાં મુખ્યમંત્રી વસુંધરા રાજે અને માનવેન્દ્ર સિંહના મુકાબલાવાળી ઝાલરાપાટન સીટ અને કોંગ્રેસ પ્રદેશાધ્યક્ષ સચિન પાયલટ અને બીજેપી સરકારમાં નંબર બે મંત્રી યૂનુસ ખાનના મુકાબલાવાળી ટોંક સીટ પણ સામેલ છે. આ પ્રકારે કોંગ્રેસના ડો. સીપી દોશી, ગિરિજા વ્યાસ, વિશ્વેંદ્ર સિંહ, પ્રમોદ જૈન ભાયા અને બીજેપીના ગુલાબંચદ કટારિયા, રાજેન્દ્ર રાઠોડ વગેરે નેતાઓની શાખ દાવ પર લાગવાની અનેક સીટોનો મુકાબલો રસપ્રદ થઈ ગયો છે અને હવે સૌની નજર પરિણામો પર ટકેલી છે.

ઝાલરાપાટન સીટ: વસુંધરા રાજે-અહીંથી ત્રણ વાર ધારાસભ્ય રહી ચૂકી છે. ચોથીવાર શાખ દાવ પર છે. માનવેન્દ્રસિંહ- બાડમેર, જેસલમેરથી એક વાર સાંસદ, શિવ સીટના ધારાસભ્ય છે અને આ વખતે કોંગ્રેસની ટિકિટ પર ચૂંટણી લડી રહ્યા છે.

ચૂરુ સીટ: ભાજપના પંચાયત રાજ મંત્રી રાજેન્દ્ર રાઠોડ અને કોંગ્રેસના રફીક મણ્ડેલિયા અહીંથી ચૂંટણી લડી ચૂક્યા છે. રાજેન્દ્ર રાઠોડ ચૂરુ જિલ્લાથી 6 વાર ચૂંટણી જીતી ચૂક્યા છે. આ વખતે શાખ દાવ પર છે.

ઉદયપુર: કોંગ્રેસના મોટા ચહેરા ગિરિજા વ્યાસના રૂપમાં ભાજપના ગુલાબચંદ કટારિયાની સામે મોટો પડકાર છે. કટારિયા અહીં ગિર‍િજા સામે એક વાર વિધાનસભ અને એક વાર લોકસભાની ચૂંટણી હારી ચૂક્યા છે.

નાથદ્વારા: ચાર વાર ધારાસભ્ય રહી ચૂકેલી સીપી જોશી અહીંથી 2008માં 1 વોટથી હારી ગયા હતા. આ વખતે તેમની સામે મહેશપ્રતાપ સિંહ છે. મહેશ 11 વર્ષ બાદ ભાજપમાં પરત ફર્યા છે અને તેઓ ભાજપ સરકારમાં મંત્રી રહેલા શિવદાન સિંહના ભત્રીજા છે. શિવદાને 1990માં જોશીને હરાવી દીધા હતા.

સાંગાનેર સીટ: ભાજપથી અલગ થઈને ભારત વાહિની પાર્ટી બનાવનારા ઘનશ્યામ તિવાડી સાંગાનેરથી લડી રહ્યા છે. તેમની સામે ભાજપના અશોક લાહોટી અને કોંગ્રેસના પુષ્પેન્દ્ર ભારદ્વાજ મેદાનમાં છે. 2013ની ચૂંટણીમાં ઘનશ્યામ તિવાડીએ કોંગ્રેસના સંજય બાપનાને 65350 વોટોથી હરાવ્યા હતા પરંતુ આ વખતે અહીં ત્રિકોણીય જંગ છે.

ટોંક: અહીં કોંગ્રેસના પ્રદેશાધ્યક્ષ સચિન પાયલટ અને ભાજપ સરકારમાં મંત્રી યૂનુસ ખાનની શાખ દાવ પર છે. અગાઉની ચૂંટણીમાં કોંગ્રેસની જાકિયા જામીન પણ નહોતા બચાવી શક્યા.

ડીગ સીટ: અહીંથી કોંગ્રેસના વિશ્વેંદ્ર સિંહ, અને ભાજપના ડો. શૈલેષ સિંહ મેદાનમાં છે. અગાઉની ચૂંટણી વિશ્વેંદ્ર સિંહે શેલૈંદ્રના પિતા સ્વ. દિગંબર સિંહને 11 હજારથી વધુ મતોથી હાર આપી હતી.

સરદારપુરા: અહીંથી રાજસ્થાનમાં બે વાર મુખ્યમંત્રી રહેલા અશોક ગહલોત પાંચમી વાર ચૂંટણી લડી રહ્યા છે. તેમની સામે ભાજપના શંભુ સિંહ ખેતાસર છે જેઓએ અગાઉની ચૂંટણીમાં 59 હજારથી વધુ વોટ મેળવ્યા હતા.

સપોટરા: અહીં ડો. કિરોડી લાલ મીણાની પત્ની ગોલમા દેવી ભાજપની ટિકિટ પર ચૂંટણી લડી રહી છે. ગોલમા પૂર્વમાં કોંગ્રેસ સરકારમાં મંત્રી રહી હતી. આ વખતે તેમની સામે કોંગ્રેસના રમેશ મીણા છે અને કિરોડીના વિરોધી છે.

અંતા ધારાસભ્ય ક્ષેત્ર: ભાજપે પ્રભુલાલ સૈની અને કોંગ્રેસના પ્રમોદ જૈન ભાયાને ચૂંટણી મેદાનમાં ઉતાર્યા છે. 2013ની ચૂંટણીમાં ભાજપના પ્રભુ લાલ સૈનીએ કોંગ્રેસના પ્રમોદ ભાયાને 3399 મતના અંતરથી હરાવ્યા હતા. બંને પૂર્વમાં મંત્રી રહ્યા છે. બંનેની શાખ દાવ પર છે.