સર્વધર્મ પૂજાથી લઈને વૉટર સેલ્યૂટ સુધી, IAFમાં આવી રીતે સામેલ થયા રાફેલ, PHOTOS

પૂર્વ લદાખમાં ચીન સાથે સરહદ વિવાદને લઈ વધતા તણાવની વચ્ચે ભારતીય વાયૂસેના (Indian Air Force)માં પાંચ રાફેલ ફાઇટર પ્લેનો (Rafale fighter jets)ને આજે અંબાલા એરફોર્સ બેઝ (Ambala Air Force Base) પર ઔપચારિક રીતે સામેલ કરવામાં આવ્યા છે. (Pic- ANI)

રાફેલ ફાઇટર પ્લેનને ભારતીય વાયુસેનામાં ઔપચારિક સામેલ થવાના સમારોહમાં સર્વ ધર્મ પૂજાનું આયોજન કરવામાં આવ્યું. પાંચ ધર્મોના ધર્મગુરુઓ દ્વારા રાફેલની પૂજા કરાતાં તે વિધિવત રીતે ભારતીય વાયુસેનામાં સામેલ થઈ ગયા છે. (Pic- ANI)

વાયસેનામાં રાફેલ પ્લેનોને સામેલ કરવા દરમિયાન પ્લેનોએ હવાઈ પ્રદર્શન કર્યું અને રાફેલ પ્લેનોના 17મી સ્કવોડ્રનમાં સામેલ કરતાં પહેલા તેને વોટર કેનન સેલ્યૂટ પણ કરવામાં આવ્યું. (Pic- ANI)

આ દરમિયાન આયોજિત સમારોહમાં રક્ષા મંત્રી રાજનાથ સિંહ (Defence Minister Rajnath Singh), ફ્રાન્સની રક્ષા મંત્રી ફ્લોરેન્સ પાર્લી (Florence Parly) અને ભારતીય વાયુસેનાના ઉચ્ચ અધિકારીઓ ઉપસ્થિત રહ્યા. આ સમારોહ દરમિયાન આયોજિત ‘સર્વ ધર્મ પૂજા’માં પણ બંને દેશોના રક્ષા મંત્રી સામેલ થયા. (Pic- ANI)

કાર્યક્રમમાં સામેલ થયેલા રક્ષા મંત્રી રાજનાથ સિંહે કહ્યું કે રાફેલને દુનિયાભરમાં સર્વશ્રેષ્ઠ માનવામાં આવે છે. રાફેલ ડીલ ભારતની રાષ્ટ્રીય સુરક્ષા માટે ઘણી અગત્યની છે. આપણી સીમા પર બની રહેલા માહોલને જોતાં રાફેલ પ્લેનોને સામેલ કરવા ખૂબ મહત્ત્વપૂર્ણ છે. (Pic- ANI)

રાફેલ પ્લેનનું નિર્માણ ફ્રાન્સની કંપની દસોલ્ટ એવિએશને કર્યું છે. ભારત અને ફ્રાન્સની વચ્ચે 36 ફાઇટર પ્લેનોની ખરીદી માટે 59,000 કરોડ રૂપિયાની થયેલી સમજૂતીના લગભગ ચાર વર્ષ બાદ 29 જુલાઈએ પાંચ રાફેલ પ્લેનનો પહેલો જથ્થો ભાર પહોંચ્યો હતો. ફ્રાન્સની કંપની દસોલ્ટ એવિએશન દ્વારા ઉત્પાદિત આ પ્લેનોને 10 સપ્ટેમ્બરે ઔપચારિક રીતે વાયુસેનામાં સામેલ કરી દેવામાં આવશે. (Pic- ANI)

વાયુસેના પ્રમુખ આરકેએસ ભદૌરિયાએ કહ્યું કે હાલની સુરક્ષાને જોતાં રાફેલને વાયુસેનામાં સામેલ કરવાનો યોગ્ય સમય છે. અંબાલામાં રાફેલને સામેલ કરવાની અગત્યતા એટલા માટે છે કારણ કે વાયુસેનાના આ બેઝથી મહત્ત્વના તમામ ક્ષેત્રોમાં સરળતાથી પહોંચી શકાય છે. (Pic- ANI)