પંજાબના મુખ્યમંત્રી ભગવંત માને કર્યા બીજા લગ્ન, કેજરીવાલની પરિવાર સાથે હાજરી, લગ્નની તસવીરો આવી સામે

ચંડીગઢ: પંજાબના મુખ્યમંત્રી ભગવંત માન અને ગુરપ્રીત કૌર લગ્નના બંધનમાં બંધાઇ ગયા છે. આજે બપોરે લગભગ 12 કલાકે બન્નેના લગ્નની વિવિ પૂરી થઇ હતી. ભગવંત માનના લગ્નમાં તેમના પાર્ટીના સંયોજક અને દિલ્હીના મુખ્યમંત્રી અરવિંદ કેજરીવાલ પરિવાર સાથે લગ્નમાં હાજરી આપવા પહોંચ્યા હતા. તેમણે લગ્નમાં પિતાની રસમ પૂરી કરી હતી. સીએમ આવાસ પર આયોજીત આ લગ્ન પ્રસંગમાં ગણતરીના મહેમાનોને જ આમંત્રિત કરાયા હતા. ભગવંત માનના લગ્નની તસવીરો સામે આવી છે.

નોંધનીય છે કે, 32 વર્ષીય ગુરપ્રીત, ભગવંત માનથી 16 વર્ષ નાની છે. ભગવંત માનની ઉંમર 48 વર્ષ છે. બન્નેની મુલાકાત લગભગ ચાર વર્ષ પહેલા થઇ હતી. ભગવંત માનના આ બીજા લગ્ન છે. પ્રથમ પત્ની સાથે તેમણે 2015માં છૂટાછેડા લીધા હતા.

આમ આદમી પાર્ટીના સભ્ય ગુરપ્રીતના કાકા ગુરજિંદર સિંહ નટે કહ્યું કે, હાલમાં ગુરપ્રીત એક ટોક્ટર તરીકે કાર્યરત છે. તેમણે જણાવ્યું કે, લગભગ બે વર્ષથી પરિવારમાં લગ્નની વાત ચાલતી હતી.

તેમણે કહ્યું કે, પરિવાર આ સંબંધોથી ખુશ છે. ગુરપ્રીત કૌરે મુલાનામાં મહર્ષિ માર્કંડેશ્વર વિશ્વવિદ્યાલય (એમએમયુ) મેડિકલ કોલેજમાં અભ્યાસ કર્યો હતો.<br />ગુરપ્રીતના પિતા ઇન્દ્રજીત સિંહ નટની પિહોવાના ગામ મદનપુરમાં સંપત્તિ છે. તેમણે કહ્યું કે, ઇન્દ્રજીત સિંહ મદનપુર ગામના સરપંચ હતા અને તેઓ પિહોવાની તિલક કોલોનીમાં રહેતા હતા.

ગુરજિંદર સિંહે કહ્યું કે, લગભગ એક વર્ષ પહેલા ઇન્દ્રજીતના પરિવારે મોહાલીમાં એક ઘર ખરીદ્યું હતું અને ત્યાં રહેવા લાગ્યા હતા. મને મારા ભાઇએ જણાવ્યું કે, ગુરપ્રીતના લગ્ન પંજાબના સીએમ સાથે થઇ રહ્યા છે.

સીએમ આવાસ પર આયોજીત આ લગ્ન પ્રસંગમાં ગણતરીના મહેમાનોને જ આમંત્રિત કરાયા હતા.

32 વર્ષીય ગુરપ્રીત, ભગવંત માનથી 16 વર્ષ નાની છે. ભગવંત માનની ઉંમર 48 વર્ષ છે. બન્નેની મુલાકાત લગભગ ચાર વર્ષ પહેલા થઇ હતી

ભગવંત માનના લગ્નમાં તેમના પાર્ટીના સંયોજક અને દિલ્હીના મુખ્યમંત્રી અરવિંદ કેજરીવાલ પરિવાર સાથે લગ્નમાં હાજરી આપવા પહોંચ્યા હતા