Ram Mandir : PM મોદીએ શાસ્ત્રોક્ત વિધિથી કર્યું રામ મંદિરનું ભૂમિ પૂજન, જુઓ અંદરની તસવીરો

આજે વડાપ્રધાન નરેન્દ્ર મોદીના (PM Narendra Modi) વરદ હસ્તે અયોધ્યામાં (Ayodhya) ભવ્ય રામ મંદિરના (Ram mandir) ભૂમિ પૂજન (Bhumi Pujan) કરીને આધારશિલા મૂકવામાં આવી છે. વડાપ્રધાન નરેન્દ્ર મોદી (PM Narendra Modi)એ બપોરે 12:44 વાગે, એક ખાસ મૂહૂર્તમાં આ ભૂમિ પૂજન કર્યું છે. આ એક ખાસ મહૂર્ત છે. અને મનાય છે કે આ મહૂર્તમાં જ પ્રભુ શ્રી રામનો જન્મ થયો હતો. ત્યારે આ ભૂમિ પૂજન કાર્યક્રમની કેટલીક ખાસ તસવીરો જુઓ અહીં.

ભૂમિ પૂજન કાર્યક્રમમાં વડાપ્રધાન નરેન્દ્ર મોદીએ પૂજા વિધિને અનુરૂપ ધોતી કૂર્તાના પહેરવેશમાં નજરે પડ્યા હતા.

બપોરે 12:44 મિનિટે વડાપ્રધાન ચાંદીના પાવડાથી પ્રભુ શ્રી રામના મંદિરનો પાયાનું ખાતમૂર્હૂર્ત કર્યું હતું.

વડાપ્રધાન રામ લલ્લા ભૂમિ પૂજન કાર્યક્રમ સ્થળ પણ પહોંચીને પહેલા પ્રભુથી રામના દર્શન કર્યા હતા. અને દંડવત થઇને વડાપ્રધાન પ્રભુની ચરણોમાં શિશ નમાવ્યું હતું. અને પૂજા અચર્ના પણ કરી હતી.

પૂજા વિધિમાં બેસતા પહેલા વડાપ્રધાન નરેન્દ્ર મોદીએ પારિજાતના વૃક્ષનું વૃક્ષારોપણ અને 10મી સદીમાં બનેલા પ્રાચીન હનુમાનગઢી મંદિરના પણ દર્શન કર્યા હતા.

ઉલ્લેખનીય છે કે આ ભૂમિ પૂજન કાર્યક્રમમાં કોરોના કારણે 175 અતિથિઓને આમંત્રિત કરવામાં આવ્યા છે. જેમાં યુપીના રાજ્યપાલ આનંદીબેન પટેલ સિવાય ઉમા ભારતી, બાબા રામદેવ પણ હાજર રહ્યા હતા.

સંપૂર્ણ હિંદુ વિધિ વિધાન મુજબ પૂજારી દ્વારા આ પૂજા વિધિ શરૂ કરવામાં આવી હતી. સાથે જ કોરોના કાળની આ સ્થિતિમાં સોશિયલ ડિસ્ટેસિંગ પર ખાસ ધ્યાન રાખવામાં આવ્યું હતું. રાજ્યપાલ આનંદીબેન પણ આ પૂજા વિધિમાં સામેત થયા હતા.