PHOTOS: કેરળમાં માછીમારો સાથે રાહુલે દરિયામાં મારી છલાંગ, ભેગા બેસી ખાધી માછલી

કેરળ (Kerala)માં આ વર્ષે વિધાનસભા ચૂંટણી યોજાવાની છે. એવામાં તમામ રાજકીય પાર્ટીઓ કેરળમાં પોતાની જીત સુનિશ્ચિત કરવા માટે પ્રયત્નશીલ બની ગઈ છે. કેરળના વાયનાડના સાંસદ અને કૉંગ્રેસના પૂર્વ અધ્યક્ષ રાહુલ ગાંધી (Rahul Gandhi)એ પણ બુધવારે કેરળનો પ્રવાસ કર્યો. તેઓએ કેરળના કોલ્લમમાં જાહેરસભા સંબોધી. ત્યારબાદ તેઓએ માછીમારો (Fishermen) સાથે મુલાકાત કરી અને તેમના જીવનને નજીકથી જોયું. (Photo: ANI)

માછીમારોના જીવનને નજીકથી જોવા અને સમજવા માટે રાહુલ ગાંધી તેમની સાથે હોડીમાં સવાર થઈને સમુદ્રમાં ગયા અને માછલીઓ પકડવા માટે જાળ નાખવામાં આવી. તે સમયે રાહુલ પણ બાકી માછીમારો સાથે દરિયામાં ઉતરી ગયા અને દરિયાકાંઠે પરત ફરતાં પહેલા 10 મિનિટ સુધી તરતા રહ્યા. (Photo: ANI)

રાહુલ ગાંધી સમુદ્રમાં ઘણી વાર સુધી તરતા રહ્યા. ઊંડા સમુદ્રમાં તેમને તરતા જોઈને ત્યાં હાજર માછીમારો ખૂબ ઉત્સાહિત જોવા મળ્યા. (Photo: ANI)

કૉંગ્રેસના એક પદાધિકારીએ કહ્યું કે તેઓ (રાહુલ ગાંધી) અમને કહ્યા વગર જ પાણીમાં ઉતરી ગયા... અમે તમામ લોકો ચોંકી ગયા પરંતુ તેઓ ખૂબ જ સહજ જોવા મળી રહ્યા હતા. તેઓ લગભગ 10 મિનિટ સુધી પાણીમાં રહ્યા. તે એક સારા સ્વીમર છે. (Photo: ANI)

હોડી પર 23 માછીમારો હતા. રાહુલ ગાંધીની સાથે અખિલ ભારતીય કૉંગ્રેસ સમિતિ મહા સચિવ કે.સી. વેણુગોપાલ અને ટી.એન. પ્રતાપન સહિત પાર્ટીના નેતા હાજર હતા. માછીમારોએ રાહુલ ગાંધીને બ્રેડ અને માછલી ખવડાવી, જે તેમણે હોડી પર રાંધી હતી. (Photo: ANI)

રાહુલ લગભગ અઢી કલાક સુધી દરિયો ખેડતા રહ્યા. માછીમારોએ રાંધેલા ભોજનનો આનંદ પણ ઉઠાવ્યા. તેઓએ પોતાની યાત્રા દરમિયાન માછીમાર સમુદાયની સમસ્યાઓને પણ સાંભળી. (Photo: ANI)