નવીન મેહર, ધારઃ મધ્ય પ્રદેશના ધાર જિલ્લા (Dhar District)માં સતત પડી રહેલા વરસાદને કારણે નદીનો તોફાની બની છે. તેમ છતાંય લોકો બેદરકારીનું પ્રદર્શન કરતાં જોવા મળી રહ્યા છે. અનેક પ્રસંગે આવા પ્રકારની બેદરકારી જીવ જોખમમાં મૂકી દે છે. સતત પડી રહેલા વરસાદમાં લોકો સેલ્ફી લેવાનું અને જોખમી પાણીમાં ઉતરવાની ભૂલ કરી બેસતાં હોય છે. આવું જ દૃશ્ય ધાર જિલ્લાના ઢાલ પંચાયતના જોગીબયડા ઝરણાની પાસે જોવા મળ્યું. રવિવારે ઈન્દોર, પીથમપરુથી લોકો અહીં પિકનિકની મજા માણવા પહોંચ્યા હતા. (Photo: News18)
અચાનક આ ઝરણમાં પાણી વધવાથી ત્રણ કારો તણાવા લાગી, જેમાંથી બે કારોને બહાર કાઢી લેવામાં આવી પરંતુ એક તણાઈ ગઈ. નસીબ એટલું સારું હતું કે કારમાં કોઈ બેઠું નહોતું. (Photo: News18)
ધાર જિલ્લાના નાલછા વિકાસખંડની ગ્રામ પંચાયત ઢાલમાં આવેલું જોગી ભડક ઝરણું ખૂબ પ્રસિદ્ધ છે. અહીં શનિવાર અને રવિવારે મેળા જેવો માહોલ જોવા મળતો હોય છે. મોટી સંખ્યામાં લોકો ઈન્દોર, પીથમપુર, મહૂથી અહીં પ્રાકૃતિક સૌંદર્ય જોવા માટે આવે છે. (Photo: News18)
રવિવારે પણ મોટી સંખ્યામાં લોકો અહીં એકત્ર થયેલા હતા અને ઝરણાના સૌંદર્યને માણી રહ્યા હતા. ત્યારે અચાનક પાણીની આવક વધુ થઈ ગઈ અને પુલ પર ઊભેલી કારમાંથી ત્રણ કાર પાણીમાં તણાવા લાગી. બે કારન તો ત્યાંના લોકોએ બચાવી લીધી. (Photo: News18)
