Sri Lanka Economic Crisis : રાષ્ટ્રપતિ ભવનની સામે લોકોએ લગાવ્યા તંબુ, કહ્યું- રાજીનામું આપે રાજપક્ષે

રાજધાની કોલંબોના ગાલે ફેસ ગ્રીન વિસ્તારમાં આવેલી મોંઘી હોટલોની બહાર રંગબેરંગી ટેન્ટ દેખાઈ રહ્યા છે. અહીં પોર્ટેબલ ટોઇલેટ પણ લગાવવામાં આવ્યા છે. લાઉડસ્પીકરથી ભરેલી ટ્રકોમાં ગીતો વગાડવામાં આવી રહ્યા છે. ખાણીપીણીના સ્ટોલ પણ ઉભા કરાયા છે. અહીંનું વાતાવરણ કોઈ કાર્નિવલથી ઓછું નથી. લોકો ગીતોની વચ્ચે 'ગો હોમ ગોટા'ના નારા પણ લગાવી રહ્યા છે.

વૃદ્ધોથી લઈને બાળકો સુધી તમામે સરકાર સામે મોરચો ખોલ્યો છે. ઘણા નાગરિકો હાથમાં પ્લેકાર્ડ લઈને રસ્તા પર બેસીને દેશને વેચવાથી બચાવવા માટે વિરોધ કરી રહ્યા છે. વિરોધીઓને અહીં આઈસ્ક્રીમ, ઠંડા પીણા પણ મળી રહ્યા છે.

દેશના 22 કરોડ લોકો પણ લાંબા સમયથી પાવર કટનો સામનો કરી રહ્યા છે. આલમ એ છે કે અહીંના લોકો માટે દૂધ સોના કરતાં પણ મોંઘું થઈ ગયું છે. બે સમયની રોટલી માટે પણ લોકોને અનેક સમસ્યાઓનો સામનો કરવો પડે છે. સરકારને લોકોની સમસ્યા દેખાતી નથી.

શ્રીલંકામાં આ સમયે સ્થિતિ ખૂબ જ તણાવપૂર્ણ છે. આગળ શું થશે તેની કોઈને ખબર નથી. દેશ આર્થિક, રાજકીય અને સામાજિક રીતે સંપૂર્ણપણે અસ્થિર બની ગયો છે.

FP અનુસાર, શ્રીલંકા પર લગભગ $51 બિલિયનનું વિદેશી દેવું છે. ચીનને આમાં સૌથી વધુ નુકસાન થશે, કારણ કે તેણે સૌથી વધુ દેવું શ્રીલંકાને આપ્યું છે. શ્રીલંકાના કુલ બાહ્ય દેવામાં ચીનનો હિસ્સો લગભગ 10 ટકા છે. ચીન પછી જાપાન અને ભારતનું સૌથી વધુ દેવું શ્રીલંકા પર છે.

શ્રીલંકાએ તેના કુલ દેવાના 47 ટકા ડેટ માર્કેટમાંથી લીધા છે. ચીનનું દેવું દેશની કુલ લોનના 15 ટકા જેટલું છે. દેશમાં એશિયન ડેવલપમેન્ટ બેંકની 13 ટકા, વિશ્વ બેંકની 10 ટકા, જાપાનની 10 ટકા અને ભારતની 2 ટકા ભાગીદારી છે.

વિદેશી હૂંડિયામણના ઓછા ભંડારને કારણે સરકારે આયાત પર પ્રતિબંધ મૂક્યો હતો. જેના કારણે દેશમાં ઈંધણ, દૂધ પાવડર જેવી જરૂરી વસ્તુઓની અછત સર્જાઈ હતી અને લોકો રસ્તા પર આવી ગયા હતા. મોંઘવારી બે આંકડામાં પહોંચી ગઈ છે.