અભિનંદનને પાકે. પૂછ્યા હતા આ સવાલ, જવાબ ન આપતા આ રીત કરતા ટોર્ચર

પાકિસ્તાનને પાઠ ભણાવનારા ભારતીય વાયુસેનાના વિંગ કમાન્ડર અભિનંદનની સાથે પાકિસ્તાને કેવું વર્તન કર્યું અને તેને કયા-કયા સવાલ પૂછવામાં આવ્યા, તેનો ખુલાસો થઈ ગયો છે. હિન્દુસ્તાન ટાઇમ્સમાં પ્રકાશિત અહેવાલ મુજબ, પાકિસ્તાને અભિનંદનને ભારતીય વાયુસેનાની અનેક સંવેદનશીલ માહિતીઓ માંગી હતી.

હિન્દુસ્તાન ટાઇમ્સના અહેવાલ મુજબ, પાકિસ્તાની સૈનિકોએ વિંગ કમાન્ડર અભિનંદન વર્ધમાન સાથે ભારતીય સૈન્ય ટુકડીની તહેનાતી, ઉચ્ચ સુરક્ષાવાળા રેડિયો ફ્રીક્વન્સી અને સંવેદનશીલ લોજિસ્ટિક વિશે મહત્વપૂર્ણ જાણકારી મેળવવાનો પ્રયાસ કર્યો.

અભિનંદનની ટીમનો હિસ્સો રહેલા અધિકારીએ જણાવ્યું કે અભિનંદનને પાકિસ્તાની સૈનિકોએ ખૂબ માર્યો, તેને ઊંઘવા પણ ન દેવામાં આવ્યા.

કેદ દરમિયાન અભિનંદનને સતત અનેક કલાકો સુધી ઊભા રાખવામાં આવ્યા. તેમની ધીરજની પરીક્ષા કરવા ખૂબ જ મોટેથી સંગીત વગાડવામાં આવ્યું.

પાકિસ્તાની અધિકારીઓએ અભિનંદન સાથે IAFની ટ્રાન્જિટ મેસેજ, ફાઇટર જેટ્સની તહેનાતી અને લોજિસ્ટિક વ્યવસ્થાની જાણકારી બહાર લાવવાનો પ્રયાસ કર્યો.

અભિનંદનની ટીમના ઓફિસરે જણાવ્યું કે તમામ ઇન્ડિયન ફાઇટર પાયલટ્સને જ્યાં સુધી શક્ય હોય ચૂપ રહેવાની ટ્રેનિંગ આપવામાં આવે છે. જેથી વાયુસેના અને પોતાના એરક્રાફ્ટની તહેનાતી અને યોજનાઓને 24 કલાકમાં બદલી શકાય, અને વિરોધી તેનો ફાયદો ન ઉઠાવી શકે.