મુઝફ્ફરપુર : બિહારના મુઝફ્ફરપુરના લગ્નના દોઢ વર્ષ પછી એક મહિલાની ક્રૂર રીતે હત્યા કરવામાં આવી. હત્યાના આરોપમાં મૃતકના સાસરી વાળા લોકો સમતે પતિ સામે ફરિયાદ દાખલ થઇ છે. આરોપ છે કે લગ્ન પછી તરત જ બાળક આપવાની ખુશી ન આપવાના કારણે મહિલાને જીવતી બાળી નાંખવામાં આવી છે. રિપોર્ટ- સુધીર કુમાર
મૃતકના પિતાનો દાવો છે કે બાળક આપવાની ક્ષમતા તેમના જમાઇ નહતી પણ તેનું પરિણામ તેની પુત્રીએ મોતથી ભોગવવું પડ્યું. જો કે પોલીસે ત્વરિત કાર્યવાહી કરીને પતિની ધરપકડ કરી છે. પોલીસે આ મામલે મૃતકના સાસુ અને સસરાની પણ પુછપરછ કરી રહ્યા છે. અને પોલીસને પણ પ્રાથમિક તપાસમાં આ હત્યાનો કેસ લાગી રહ્યો છે.
જાણકારી મુજબ સીતામઢી નિવાસી બલરામ દાસની પુત્રી અલ્પનાના લગ્ન ગત વર્ષે એટલે કે 2019માં 19 ફેબ્રુઆરીના રોજ મુઝફ્ફરપુરના નાજિરપુરના નિવાસી ગૌરવ સાથે થયા હતા. ગૌરવ ઠાકુર એન્જિનિયરિંગનું ભણેલા છે. અને તે પ્રમોદ ઠાકુરના પુત્ર છે. બલરામ દાસ અયોધ્યામાં સાધુ છે પણ તેમણે લગ્ન ધામધૂમથી કરાવ્યા હતા.
લગભગ એક વર્ષ વીત્યું હોવા છતાં બાળક ન થતા ઘરમાં ઝગડા શરૂ થઇ ગયા. અલ્પનાના સાસરીવાળાએ તેને યાતના આપવાનું શરૂ કર્યું. પણ અલ્પનાએ તેના માતા પિતાને જણાવ્યું કે ગૌરવ પતિ નહીં બની શકે. અલ્પનાના પિતા બલરામ દાસે જ્યારે આ વાત ગૌરવના પરિવાર સામે રાખી તો વિવાદ ઊભો થઇ ગયો. અને લોકો અલ્પના પર આ વાતનો રોષ નાંખવા લાગ્યા.
સોમવાર રાતે અલ્પનાના પિતાની સામે જ ગૌરવની નબળાઇ પર સવાલ ઊભો થતા વિવાદ વધ્યો. બલરામે ગૌરવને ડોક્ટરી સારવાર લેવાની સલાહ આપી. પિતા બલરામે આરોપ લગાવ્યો છે કે ગૌરવના પરિવારે જ અલ્પનાને બાળીને મારી નાંખી છે.
તેમણે કહ્યું કે પહેલા અલ્પનાને બેહોશ કરવામાં આવી અને પછી તેને બાળી નાંખવામાં આવી. પોલીસે હાલ તો અલ્પનાનું શબ પોસ્ટમોર્ટમમાં મોકલ્યું છે. અને આરોપી પતિ ગૌરવની ધરપકડ કરી છે.
