ડૉક્ટરોએ જણાવ્યા Covid 19 સંક્રમણના નવા લક્ષણ, તમારા પગમાં તો આવું નથી થતું ને?

કોરોના વાયરસ (Coronavirus) ના કારણે હજારો લોકો સંક્રમણનો ભોગ બની રહ્યા છે. અત્યાર સુધીમાં દુનિયાભરના 1 લાખ 43 હજારથી વધુ લોકોની આ વાયરસના કારણે મોત થઇ ચૂકી છે. ભારતમાં પણ આ વાયરસના સંક્રમણના આંકડા ઝડપથી વધી રહ્યા છે. કોરોના વાયરસના લક્ષણ (Symptom)ને લઇને અલગ અલગ દાવા કરાય છે.

સામાન્ય રીતે ભારે તાવ, સૂકી ખાંસી અને શરદી જેવા લક્ષણો કોરોનાના સંક્રમણના મુખ્ય લક્ષણ છે. પણ હવે કોરોનાના લક્ષણોને લઇને ડૉક્ટરોએ નવી જાણકારી આપી છે. જેમાં પગમાં અમુક પ્રકારના નિશાન પડી જાય છે.

સ્પેનના ડૉક્ટરોએ ચેતવણી આપી છે કે કોરોના વાયરસની અસર પગમાં જોવા મળે છે. કેટલાક દર્દીઓના પગની ત્વચા પર નિશાન પડી જાય છે. સ્પેનિશ ત્વચા વિશેષજ્ઞોએ જાણકારી આપી છે કે Covid 19ના રોગીઓના પગમાં જાબુંડી રંગના નિશાન પડે છે .સામાન્ય રીતે આવા નિશાન નાના બાળકો અને ટિનએજર્સમાં જોવા મળે છે. ડોક્ટરોના કહેવા મુજબ કેટલીકવાર આ ડાધ ચિકનપોક્સના નિશાન જેવા દેખાય છે. અને આ નિશાન પગની આંગળીઓની પાસે દેખાય છે.

હાલ ડૉક્ટર્સ પણ આ મામલે રિસર્ચ કરી રહ્યા છે. કે કેમ આવી રીતે ડાધ નીકળે છે. પણ ડોક્ટર્સે લોકોને સાવધાન રહેવાનું કહ્યું છે. જો તમારા પગમાં આ પ્રકારના નિશાન જોવા મળે છે તો તરત ડૉક્ટર્સને સંપર્ક કરો. સાથે આવું દરેક દર્દીઓ જોડે નથી થતું પણ કેટલાક દર્દીઓ સાથે થાય છે.

આ પહેલા બ્રિટન અને અમેરિકાના ડૉક્ટરોએ પણ દાવો કર્યો હતો કે કોરોનાના કારણે લોકોની સુંગધ સુંગવાની શક્તિ જતી રહે છે. જે પણ કોરોના વાયરસના સંક્રમણની આશંકાને બતાવે છે. જો કે પાછળથી કેટલાક દર્દીઓ પણ તેમના અનુભવો શેર કરતા આવા અનુભવો તેમને થયા હોવાની વાત સ્વીકારી હતી. ત્યારે આ રોગ અંગે જાગૃતતા કેળવવી અને સુરક્ષિત રહેવું જરૂરી છે.