ન્યૂયોર્ક : નાસા (NASA)ના સેન્ટર ફોર નિયર અર્થ ઓબ્જેક્ટ સ્ટડીએ બતાવ્યું છે કે એક 1.5 કિલોમીટર મોટો ઉલ્કા પિંડ (Asteroid) ઝડપથી ધરતી પર આવી રહ્યો છે. આ ઉલ્કા પિંડ 21 મે ના રોજ ધરતીની કક્ષામાં પ્રવેશ કરશે. (પ્રતિકાત્મક તસવીર)
આ ઉલ્કા પિંડ 16 જાન્યુઆરી 1997ના રોજ પ્રથમ વખત નજરમાં આવ્યો હતો અને ત્યારથી નાસાએ તેને એલર્ટ પર રાખ્યો છે. આવા 2000થી વધારે ઉલ્કા પિંડ છે જેની નાસાની સંસ્થાઓ ટ્રેક કરી રહી છે. જોકે આ ઉલ્કા પિંડથી કોઇ પ્રકારના નુકસાનનો અંદાજ નથી.(પ્રતિકાત્મક તસવીર)
નાસાના મતે આ ઉલ્કા પિંડનો આકાર 670 મીટરથી 1.5 કિલોમીટર વચ્ચે છે. તેની લંબાઈ 4921 ફૂટ છે જ્યારે પહોળાઈ 2198 ફૂટ છે. આ અપોલો ક્લાસનો ઉલ્કા પિંડ છે જેનું નામ નાસાએ નિયો રાખ્યું છે. આ ગુરુવારે 21 મે ના રોજ રાત્રે 9.45 કલાકે ધરતીની કક્ષામાં પ્રવેશ કરવાનો છે. નાસાના મતે ઉલ્કા પિંડની ઝડપ 11.68 કિલોમીટર પ્રતિ સેકન્ડ કે પછી 26,127 મીલ પ્રતિ કલાકની આસપાસ રહેશે.(પ્રતિકાત્મક તસવીર)
ડેલી સ્ટારમાં છપાયેલા એક રિપોર્ટમાં કહેવામાં આવ્યું છે કે નાસાના નેશનલ નિયર અર્થ ઓબ્જેક્ટ સ્ટ્રેટજી વિભાગના મતે 1 કિલોમીટરથી મોટો કોઇપણ ઉલ્કા પિંડ ધરતીની કક્ષામાં દાખલ થવાની સ્થિતિમાં ચેતવણી જાહેર કરવામાં આવે છે. જો આટલો મોટો કોઇ ઉલ્કા પિંડ ધરતી સાથે ટકરાય તો વિનાશ થઈ શકે છે આ ટકરાવાથી ભૂકંપ, સુનામી અને ઘણા પ્રકારની પરિસ્થિતિઓ ઉભી થાય છે. ડાયનાસોર ધરતી પરથી ખતમ થવા પાછળ એક 10 કિલોમીટરનો મોટો ઉલ્કા પિંડ હતો. (પ્રતિકાત્મક તસવીર)
