PHOTOS: આ છે મેહુલ ચોકસીની ગર્લફ્રેન્ડ, ડોમિનિકામાં રોમેન્ટિક ટ્રિપ માણતી વખતે થઈ ધરપકડ

ભારતમાં લગભગ 15 હજાર કરોડથી વધુની બેન્ક લોન ગોટાળા (PNB Scam)ને અંજામ આપીને ફરાર થઈ ગયેલો મેહુલ ચોકસી (Mehul Choksi) હાલ ડોમિનિકા (Dominica) આઇલેન્ડમાં પોલીસની કસ્ટડીમાં છે. મૂળે, છેલ્લા ઘણા સમયથી હીરાનો વેપારી મેહુલ ચોકસી એન્ટિગુઆ (Antigua and Barbuda)માં નાગરિકતા લઈને રહેતો હતો. પરંતુ છેલ્લા કેટલાક દિવસથી તે પોતાની ગર્લફ્રેન્ડના ચક્કરમાં એન્ટિગુઆથી ડોમિનિકા પહોંચ્યો હતો. મળતી માહિતી મુજબ મેહુલ ચોકસી પોતાની ગર્લફ્રેન્ડની સાથે રોમેન્ટિક ડિનર ડેટ માટે ડોમિનિકા ગયો હતો, જે એન્ટિગુઆની પાસે આવેલો છે. ત્યાં જ તેની ધરપકડ થઈ છે.

એન્ટિગુઆના વડાપ્રધાન ગેસ્ટન બ્રાઉને પણ મેહુલ ચોકસીની ગર્લફ્રેન્ડનો ઉલ્લખ કરી ચૂક્યા છે. તેમણે કહ્યું હતું કે શક્ય છે કે રોમેન્ટિક ડિનર કરવા કે ફરવા માટે મેહુલ ચોકસી અને તેની પ્રેમિકા ડોનિમિકા આઇલેન્ડ ગયા હશે.

એન્ટિગુઆ મીડિયાએ મેહુલ ચોકસીના વકીલોના હવાલાથી દાવો કર્યો છે કે તે પોતાની મહિલા મિત્રને મળવા માટે ગયો હતો અને ત્યારે તેનું અપહરણ થઈ ગયું. કહેવામાં આવી રહ્યું છે કે 23 મેના રોજ તે મહિલા મિત્રની સાથે ડિનર માટે જઈ રહ્યો હતો, પરંતુ રેસ્ટોરાં પહોંચ્યા પહેલા જ તેનું અપહરણ થઈ ગયું.

દાવો કરવામાં આવી રહ્યો છે કે મેહુલ ચોકસી લગભગ એક વર્ષથી બારબરા નામની મહિલાના સંપર્કમાં હતો. આ પહેલા એન્ટિગુઆના વડાપ્રધાન ગેસ્ટન બ્રાઉને પણ ચોકસીના એક મહિલા સાથે સંબંધ હોવાનો ઉલ્લેખ કર્યો હતો.

બીજી તરફ, એન્ટિગુઆ ન્યૂઝ રૂમ મુજબ, કતાર એરવેઝનું એક ખાનગી પ્લેન ડોમિનિકામાં ડગલસ-ચાર્લ્સ એરપોર્ટ પર ઉતર્યું. ત્યારબાદ ચોકસીના પ્રત્યર્પણને લઈને અટકળો વહેતી થઈ છે. એન્ટિગુઆ અને બારબુડાથી રહસ્યમયી પરિસ્થિતિઓમાં ગુમ થયેલો મેહુલ ચોકસી પડોશના ડોમિનિકામાં પકડાઈ ગયો. બ્રાઉને રેડિશા શોમાં જણાવ્યું કે ચોકસીના પ્રત્યર્પણ માટે જરૂરી દસ્તાવેજ લઈને પ્લેન ભારતથી આવ્યું છે.

ઉલ્લેખનીય છે કે, મેહુલ ચોકસી અને તેના ભત્રીજા નીરવ મોદીએ પંજાબ નેશનલ બેંક સાથે 13,500 કરોડની ધનરાશિની કથિત રીતે છેતરપિંડી કરી છે. નીરવ મોદી લંડનની એક જેલમાં કેદ છે અને તે ભારત પ્રત્યર્પિત કરવાની વિરુદ્ધ કેસ લડી રહ્યો છે.

મેહુલ ચોકસીએ વર્ષ 2017માં એન્ટિગુઆ અને બારબુડાની નાગરિકતા લીધી હતી અને જાન્યુઆરી 2018ના પહેલા સપ્તાહમાં ભારતથી ભાગી ગયો હતો. ત્યારબાદ આ ગોટાળો સામે આવ્યો હતો. બંને સીબીઆઇની તપાસનો સામનો કરી રહ્યા છે.