બાંગ્લાદેશ : નૂડલ્સ ફેક્ટરીમાં ભીષણ આગ, અત્યાર સુધીમાં 52 લોકોના મોત, 50થી વધારે ઇજાગ્રસ્ત

બાંગ્લાદેશની રાજધાની ઢાકાના (Dhaka Fire)બહારી ક્ષેત્રમાં એક ફેક્ટરીમાં આગ લાગવાથી 52 લોકોના મોત થયા છે અને 50થી વધારે લોકો ઇજાગ્રસ્ત થયા છે. ફાયરબ્રિગેડના અધિકારીઓના જણાવ્યા પ્રમાણે નારાયણગંજના રુપગંજમાં શેજાન જૂસ ફેક્ટરીમાં ગુરુવારે સાંજે આગ લાગી હતી. એવી આશંકા વ્યક્ત કરવામાં આવી રહી છે કે આગ ઇમારતના ભોયતળેયીથી લાગી હતી. રસાયણ અને પ્લાસ્ટિકની બોટલોના કારણે આગ ઝડપથી ફેલાઇ હતી. (ફોટો - AFP)

ઢાકા ટ્રિબ્યુનના સમાચાર પ્રમાણે આ દુર્ઘટનામાં 52 લોકોના મોત થયા છે અને 50થી વધારે લોકો ઇજાગ્રસ્ત થયા છે. ભીષણ આગથી બચવા માટે ઘણા મજૂરોએ ઇમારત પરથી કુદકો લગાવ્યો હતો. (ફોટો - AFP)

રિપોર્ટ પ્રમાણે હાશેમ ફૂડ્સ લિમિટેડના કારખાનાની બિલ્ડિંગમાં આગ બુઝાવવા માટે ફાયરબ્રિગ્રેડની 18 ગાડીઓ લાગી હતી. લોકો પોતાના સ્વજનોને શોધવા માટે ઇમારત સામે એકઠા થઇ ગયા હતા. જે હજુ પણ લાપતા છે. લાપતા લોકોમાંથી 44 શ્રમિકોની ઓળખની પૃષ્ટિ કરવામાં આવી છે. (ફોટો - Reuters)

બચાવ થયેલા શ્રમિકો અને તેમના સંબંધીઓએ આરોપ લગાવ્યો છે કે આગ લાગી ત્યારે કારખાનામાં એકમાત્ર નિકાસ દ્વાર બંધ હતો. તેમણે એ પણ દાવો કર્યો કે ઇમારતમાં આગ બુઝાવવાના પ્રર્યાપ્ત ઉપાય ન હતા. (ફોટો - Reuters)

નારાયણગંજ જિલ્લા ફાયરબ્રિગ્રેડ સેવાના ઉપ નિર્દેશક અબ્દુલા અલ અરેફિને જણાવ્યું કે જ્યાં સુધી આગ પર કાબુ મેળવવામાં ના આવે ત્યાં સુધી એ કહેવું સંભવ નથી કે આ દુર્ઘટનામાં કેટલું નુકસાન થયું છે અને આગ લગવાનું કારણ શું છે. (ફોટો - Reuters