નણદોઈના પ્રેમમાં પાગલ રેશ્માએ કર્યું એવું કૃત્ય કે આખો પરિવાર શરમથી થયો પાણીપાણી

ભોપાલ: ગુજરાતના પાડોશમાં આવેલા મધ્ય પ્રદેશ (Madhya Pradesh)માં એક અજીબ કિસ્સો સામે આવ્યોછે. પોતાના પ્રેમ (Love)ને પામવા માટે અવારનવાર લોકો ગુનો કરતા પણ ખચકાતા નથી હોતા. અહીં એક મહિલા પ્રેમમાં અંધ બનીને પોતાના નજીકના સંબંધી સાથે ભાગી ગઈ હતી. મહિલા અને પુરુષના આવા પગલાંથી પરિવાર શરમથી પાણી પાણી થઈ ગયો છે. હકીકતમાં મહિલા તેના નણદોઈ સાથે ભાગી ગઈ છે. ભાગવા માટે મહિલાએ જે પ્લાન બનાવ્યો હતો તે જાણીને ખુદ પોલીસ પણ ચોંકી ઉઠી હતી. (પ્રતીકાત્મક તસવીર: Shutterstock)

મહિલા તેના નણદોઈ (નણંદના પતિ) પ્રેમમાં એટલી પાગલ હતી કે તેણે કોઈ વિચાર કર્યો ન હતો અને પોતાના પતિ, બાળકો સહિત 10 લોકોને કોઈ નશીલો પદાર્થ ખવડાવી દીધો હતો અને બાદમાં ભાગી ગઈ હતી. આ મામલે પરિવારના સભ્યોએ ફરિયાદ નોંધાવી છે. (પ્રતીકાત્મક તસવીર: Shutterstock)

આ અજીબ બનાવ મધ્ય પ્રદેશના ભિંડ જિલ્લાના સિમાર ગામ ખાતે બન્યો છે. નણદોઈ સાથે ભાગેલી મહિલાનું નામ રેશ્મા છે. એવી માહિતી પ્રાપ્ત થઈ છે કે રેશ્માએ આ પહેલા બે લગ્ન કર્યા હતા. હવે તે ત્રીજા પુરુષ સાથે ભાગી છે. મહિલા જે પુરુષ સાથે ભાગી છે તે તેણીનો નણદોઈ છે. રેશ્માના પ્રથમ પતિનું નિધન થઈ ગયું હતું. જે બાદમાં તેના પતિના ભાઈ સાથે તેણીના બીજા લગ્ન થયા હતા. આ દરમિયાન રેશ્મા અને તેના નણદોઈ વચ્ચે પ્રેમ પાંગર્યો હતો. જોકે, પરિવારના લોકોને આ સંબંધ મંજૂર ન હતો. પરિવાર આ સંબંધનો વિરોધ કરતો રહ્યો હતો. (પ્રતીકાત્મક તસવીર: Shutterstock)

પરિવારના વિરોધ બાદ નણદોઈના પ્રેમમાં પાગલ રેશ્માએ ભાગવાનો નિર્ણય કર્યો હતો. જે બાદમાં રેશ્માએ જમવામાં નશીલો પદાર્થ ભેળવી દીધો હતો. નશીલું ભોજન આરોગનાર લોકોમાં મહિલાનો પતિ, બે બાળકો, સાસુ-સસરા, બે દિયર, એક કાકી સાસુ, એક નણંદ અને એક દેરાણી શામેલ છે. તમામ લોકો બેભાન બની ગયા બાદ રેશ્મા તેના નણદોઈ સાથે ભાગી ગઈ હતી. (પ્રતીકાત્મક તસવીર)

બીજા દિવસ સવારના સમયે જ્યારે ઘરનું કોઈ સભ્ય મોડે સુધી ન જાગ્યું ત્યારે પાડોશીએ ઘરમાં તપાસ કરી હતી. પાડોશી જ્યારે ઘરમાં પહોંચ્યો ત્યારે તેણે ઘરના તમામ લોકોને બેભાન અવસ્થામાં જોયા હતા. જે બાદમાં આ અંગેની જાણકારી પોલીસને આપવામાં આવી હતી. (પ્રતીકાત્મક તસવીર)

પોલીસે ઘટનાસ્થળે પહોંચીને તમામ લોકોને હૉસ્પિટલ ખસેડ્યા હતા. પરિવારના સભ્યો જ્યારે ભાનમાં આવ્યા ત્યારે તેમને તેની પુત્રવધૂની કરતૂત માલુમ પડી હતી. જે બાદમાં પરિવારે રેશ્મા વિરુદ્ધ ફરિયાદ આપી હતી. જોકે, પોલીસ રેશ્મા અને તેની સાથે ભાગેલા વ્યક્તિને શોધી શકી નથી. (પ્રતીકાત્મક તસવીર)