PHOTOS: મુંબઈમાં ગુડી પડવોની ભવ્ય ઉજવણી, સજી ધજીને તૈયાર થયેલી મહિલાઓ બુલેટ લઈને નીકળી

આ ઉપરાંત એક રાજકીય પાર્ટી પણ દાદરના શિવાજી પાર્કમાં ગુડી પડવો મનાવશે. તેનાથી કાર્યકર્તાઓની મોટી ભીડ એકઠી થશે. ત્યારે આવા સમયે મુંબઈ પોલીસ પણ સતર્ક થઈ ગઈ છે. સુરક્ષાની પુરતી વ્યવસ્થા કરવામાં આવી છે.

મુંબઈના ગીરગાવ વિસ્તારમાં ગુડી પડવા શોભાયાત્રાનું ભવ્ય સ્વાગત કરવામાં આવ્યું હતું. મરાઠી સમુદાય દ્વારા શોભાયાત્રા કાઢી, પરંપરાગત વસ્ત્રોમાં સજીધજી મહિલાઓ, બાળકો અને પુરુષો ખૂબ જ ઉત્સાહમાં જોવા મળી રહ્યા છે. ઉપરાંત મહિલાઓ, પરંપરાગત નૌવારી સાડી, નાક અને કાનમાં પરંપરાગત ઘરેણાં ધારણ નીકળ્યા હતા. ખાસ વાત એ છે કે, અમુક મહિલાઓ બાઈક પર સુંદર રીતે તૈયાર થઈને નીકળી હતી.

ગુડી પડવા દરમિયાન ગિરગાંવ ચૌપાટી, શિવાજી પાર્ક, બાંદ્રા રિક્લેમેશન, ઈસ્ટર્ન એક્સપ્રેસ હાઈવે, વેસ્ટર્ન એક્સપ્રેસ હાઈવે અને લિંક રોડ સહિત અન્ય માર્ગો પર પોલીસે કડક બંદોબદસ્ત કર્યો છે. ઠેકઠેકાણે સીસીટીવી લગાવ્યા છે. રસ્તા પર દરેક જગ્યાએ પોલીસનો પહેરો લગાવ્યો છે. સાથે જ નિર્ભયા પોલીસ ટીમ પણ યુવાનો પણ નજર રાખશે.

હિન્દુ પૌરાણિક કથાઓ અનુસાર, એવું માનવામાં આવે છે કે, ભગવાન બ્રહ્માએ ગુડી પડવાના દિવસે બ્રહ્માંડનું નિર્માણ કર્યું અને દિવસ, અઠવાડીયું, મહિનો અને વર્ષ આપ્યા. અમુક લોકો તેને એક એવો દિવસ પણ માને છે, જ્યારે રાજા શાલિવાહને પોતાની જીતનો જશ્ન મનાવ્યો અને લોકોને પૈઠણ પરત ફરવા પર ઝંડા ફરકાવ્યા.

મૂળ તો ગુડીને વિજયનું પ્રતીક કહેવાય છે. લગભગ 5 ફુટ લાંબા વાંસની લાકડીની ચારેતરફ કાપડાનો એક ટુકડો બાંધી ગુડી બનાવામાં આવે છે અને તેને મિશ્રીની માળા સાથએ મરાઠી લોકો લીમડાના પાન નાખે છે.

આ લાકડીને ચાંદી અથવા કાંસાના વાસણમાં રાખવામાં આવે છે. આ દિવસે લોકો સવારે જલ્દી ઉઠીને પોતાના ઘરને સુંદર રંગોળી અને ગુડીથી સજાવે છે. મરાઠી પોતાના નવા વર્ષને ચિન્હીત કરવા માટે ગુડીની પૂજા કરે છે અને બાદમાં પરિવાર અને દોસ્તો સાથે શ્રીખંડમાં પૂરન પોલીનો આનંદ ઉઠાવે છે.

ગુડી પડવા જેને લોકપ્રિય રીતે સંવત્સર પડવોના નામથી ઓળખાય છે. જેનો અર્થ મહારાષ્ટ્રમાં નવા વર્ષનો પ્રથમ દિવસ એવો થાય છે. મરાઠી નવા વર્ષનું નામ બે શબ્દોથી બનેલું છે. ગુડી જેનો અર્થ થાય છે હિન્દુ ભગવાન બ્રહ્મા અથાવ ધ્વજ અથવા પ્રતીક અને પડવાનો અર્થ છે ચંદ્રમાના ચરણનો પ્રથમ દિવસ. તહેવાર પાકની સિઝનની શરુઆતનું પ્રતીક છે.

મહારાષ્ટ્રમાં લોકો ગુડી પડવાને ખૂબ જ જોશ અને ઉત્સાહ સાથે મનાવે છે. આ વર્ષે, મરાઠી નવું વર્ષ 22 માર્ચ, 2023ના રોજ મનાવામાં આવે છે. જે દિવસે નવ દિવસીય નવરાત્રિ ઉત્સવ શરુ થાય છે.

ગુડી પડવાના દિવસે જાહેર રજા હોવા છતાં પણ બીએમસી પ્રશાસને ભાયખલામાં આવેલ રાનીબાગમાં પ્રાણી ઉદ્યાનને ખુલ્લો રાખવાનો નિર્ણય કર્યો છે. પ્રાણી ઉદ્યાનના નિર્દેશક ડો. સંજય ત્રિપાઠીએ જણાવ્યું કે, રજાનો દિવસ હોવાના કારણે મોટી સંખ્યામાં પર્યટકો આવવાની આશા છે. પર્યટકોની સુવિધાને જોતા અમે ગુડી પડવાના દિવસે પણ પ્રાણી સંગ્રહાલય ખુલુ રાખવાનો નિર્ણય કર્યો છે.

બુધવારે બપોરે 12 વાગ્યાથી લઈને રાતના 12 વાગ્યા સુધી એડવાઈઝરી આદેશ પ્રભાવી રહેશે. આ દરમિયાન 7 માર્ગ પર નો પાર્કિંગ ઘોષિત કર્યા છે, જ્યારે 4 માર્ગ બંધ કરી ત્યાં વૈકલ્પિક માર્ગ બનાવ્યા છે. મુંબઈ પોલીસની સત્તાવાર વેબસાઈટ અને સોશિયલ મીડિયા હેંડલને સર્ચ કરીને જાણકારી પ્રાપ્ત કરવામાં આવી રહી છે.