મધ્યપ્રદેશ ચૂંટણી: આ નેતાઓની પત્નીઓ તેમના પતિ કરતા કરે છે વધારે કમાણી

મધ્યપ્રદેશમાં મોટા નેતાઓ અને તેમની પત્નીઓની કમાણીની વાત કરીએ તો, તેમની પત્ની આ મામલામાં નેતાઓ કરતા ક્યાંય આગળ છે. આ વાત ચૂંટણી પંચને સોંપવામાં આવેલા શપથ પત્રોમાં કહેવામાં આવી છે. તો જોઈએ આ લિસ્ટમાં કયા નેતાઓના નામ સામેલ છે.

મધ્યપ્રદેશના મુખ્યમંત્રી શિવરાજસિંહ ચૌહાણની વાર્ષિક આવક 19.7 લાખ રૂપિયા છે. જ્યારે તેમની પત્ની સાધના સિંહની વાર્ષિક આવક 37 લાખ રૂપિયા છે.

મંત્રી ભૂપેન્દ્રસિંહની વાર્ષિક આવક 97 લાખ રૂપિયા છે, જ્યારે તેમની પત્નીની કમાણી 4.5 કરોડ રૂપિયા છે

મંત્રી રાજેન્દ્ર શુક્લાની વાર્ષિક આવક 6.6 લાખ રૂપિયા છે, જ્યારે તેમની પત્ની સુનિતા શુક્લાની કમાણી 26.44 લાખ રૂપિયા છે.

2013ની ચૂંટણી બાદ કોંગ્રેસમાંથી ભાજપમાં સામેલ થયેલા મંત્રી સંજય પાઠકની વાર્ષિક આવક 85 લાખ રૂપિયા છે, જ્યારે તેમની પત્ની નિધિ પાઠકની આવક 1.4 કરોડ રૂપિયા છે.

કોંગ્રેસના વરિષ્ઠ નેતા સુરેશ પચૌરીની વાર્ષિક આવક 19.99 લાખ રૂપિયા છે. જ્યારે તેમની પત્ની ડો. સુપર્ણા શર્માની વાર્ષિક આવક 22.61 લાખ રૂપિયા છે.