વિચિત્ર અકસ્માતમાં 4ના મોત : બોલેરો ગાડીનો Accident જોવા ઉભા રહેલા ટોળા પર બસ કાળ બની પલટી

જબલપુર : રાજ્ય સહિત દેશભરમાં અકસ્માતની ઘટનામાં ફરી વધારો જોવા મળી રહ્યો છે. રોજે-રોજ લોકો રોડ અકસ્માતમાં કમોતે મોતને ભેટતા હોય છે. પરંતુ આજે એક એવો અકસ્માત સર્જાયો છે, જેમાં અકસ્માત જોવા ઉભા રહેલા લોકોમાંથી ચાર લોકો  અકસ્માતનો  ભોગ બન્યા, જેમાં ચારના મોત નિપજ્યા છે.

પ્રાપ્ત માહિતી અનુસરા, જબલપુર નજીક પાટણ પોલીસ સ્ટેશન વિસ્તાર અંતર્ગત ફોલ ઘાટી પાસે એક બોલેરો જીપનો અકસ્માત સર્જાયો હતો. આ અકસ્માત જોવા માટે લોકોના ટોળે-ટોળા ઉમટી પડ્યા હતા. આ દરમિયાન રસ્તા આવી રહેલી એક બસના ડ્રાઈવરે સ્ટેરીંગ પર કાબુ ગુમાવતા બસ સીધી એક્સિડન્ટ જોવા ઉભા રહેલા ટોળા પર આવી પલટી, જેમાં ચાર લોકોના મોત થયા છે.

વિગતે ઘટનાની વાત કરીએ તો, બસમાં સવાર લોકો જાન લઈ લગ્ન પ્રસંગ માટે જઈ રહ્યા હતા. આ સમયે જબલપુર નજીક રોડ પર એક બોલેરો ગાડીનો અકસ્માત સર્જાયો હોવાથી લોકો અકસ્માત જોવા માટે ટોળુ કરી ઉભા હતી. આ સમયે બસ ચાલકે સ્ટેરીંગ પર કાબુ ગુમાવ્યો અને બસ સીધી ઉભી રહેલી ભીડ પર જઈ પલટી મારી, આ દુર્ઘટનામાં બસની નીચે ચાર લોકો દટાઈ જવાથી મોતને ભેટ્યા સાથે બે પોલીસ કર્મી સહિત કેટલાક લોકો ઈજાગ્રસ્ત પણ થયા છે.

જે બસે પલટી મારી તે બુંદેસખંડની હતી, આ બસમાં જાનૈયાઓ સવાર હતી. જાન દમોહથી લગ્ન પ્રસંગ પતાવી જબલપુર આવી રહી હતી. તમામ ઈજાગ્રસ્તોને સારવાર માટે જબલપુર સરકારી હોસ્પિટલમાં લઈ જવામાં આવ્યા છે. આ એક પ્રકારનો વિચિત્ર અકસ્માત હતો. કેમ કે, અકસ્માત જોવા ઉભા રહેલા લોકો અકસ્માતનો ભોગ બન્યા છે.