દાદી ઈન્દિરાને વાઘથી હતો પ્રેમ, આજે કોબ્રા સાથે રમતી જોવા મળી પૌત્રી પ્રિયંકા

જ્યારે ઈન્દિરા ગાંધી પીએમ હતાં તો તેમની એક તસવીર અખબારોમાં ચર્ચાનો વિષય બની હતી. તે તસવીરમાં ઈન્દિરા એક વાઘને વહાલ કરતા જોવા મળ્યા હતા. કંઈક આવો જ નજારો ગુરુવારે રાયબરેલીમાં જોવા મળ્યો જ્યારે તેમની પૌત્રી અને કોંગ્રેસની રાષ્ટ્રીય મહાસચિવ પ્રિયંકા ગાંધી મદારીઓની વસતીમાં પહોંચીને કોબ્રા સાપથી રમતી જોવા મળી.

મૂળે, પ્રિયંકા ગાંધીમાં દાદી ઈન્દિરાની છબિ દેખાય છે. તેમનું કહેવું છે કે પ્રિયંકાની ભાષા શૈલીથી લઈને નાક અને નક્શાનો પણ ઈિન્દિરાને મળતો આવે છે. આજે માતા સોનિયા ગાંધી માટે રાયબરેલીમાં પ્રચાર કરવા પહોંચેલી પ્રિયંકા મદારીઓના ગામ હંસાના પુરવા ગામ પહોંચી. પ્રિયંકા ગાંધીએ અહીં મદારીઓ સાથે મુલાકાત કરી.

મદારીઓ સાથેની વાતચીત દરમિયાન જે તેઓ એક મદારીના પોટલમાંથી કોબ્રા સાપને જોવા લાગી. જ્યારે તે કોબ્રા ભાગવા લાગ્યો તો પ્રિયંકાએ તેને હાથમાં ઉઠાવી લીધો અને પોટલીમાં મૂકી દીધો.

પ્રિયંકા કોબ્રાથી બિલકુલ ડરી નહીં અને તેને હાથોમાં ઉઠાવી લીધો. આ જોઈ ત્યાં ઉપસ્થિત લોકો પણ આશ્ચર્યચકિત રહી ગયા. આ દૃશ્ય જોઈ ગામ લોકોમાં પણ ઉત્સાહ આવી ગયો.

પ્રિયંકા સાપોને હાથમાં લઈને એમ પણ કહેતા હતા કે તે કરડશે નહીં.

પ્રિયંકાએ મદારીઓ પાસે સાપની પ્રજાતિ પણ પૂછી. સાથોસાથ તેમની સમસ્યાઓ પણ સાંભળી.