PHOTOS: લાલૂના પરિવારમાં ખુશીઓ આવી, તેજસ્વી યાદવની દીકરીને ઉંચકી દાદા લાલૂ વ્હાલ કરવા લાગ્યા

રાજદ સુપ્રીમો લાલૂ પ્રસાદ યાદવ અને તેના પરિવાર માટે સોમવારનો દિવસ ખાસ રહ્યો હતો. હકીકતમાં જોઈએ તો, સોમવારે લાલૂ પરિવારમાં એક નવા મહેમાનનું આગમન થયું છે. લાલૂ પ્રસાદના ઘરમાં લક્ષ્મી સ્વરુપ નાની બાળકી આવી છે. તેજસ્વી યાદવની પત્ની રાજશ્રીને સોમવારે પુત્રી રત્ન પ્રાપ્ત થઈ છે. જેવી રાજશ્રી માતા બની કે, લાલૂ પરિવાર સહિત તેમના પ્રશંસકોમાં ખુશીની લહેર દોડવા લાગી હતી.

સૌથી પહેલા તેજસ્વી યાદવે સોશિયલ મીડિયાના અલગ અલગ પ્લેટફોર્મ પર તેની જાણકારી આપી હતી. જે બાદ લાલૂ પરિવારને શુભકામનાઓ આપવા માટે લાઈનો લાગી. પોતે પણ કેટલાય દિવસથી બીમાર છે, છતાં પણ પૌત્રીને જોવા માટે રોકી શક્યા નહીં અને હોસ્પિટલમાં પૌત્રીને જોવા ખુદ લાલૂ આવ્યા હતા.

આ દરમિયાન લાલૂ પ્રસાદે પણ પૌત્રી સાથે મુલાકાત કરી તસ્વીરો સોશિયલ મીડિયા પર શેર કરી હતી. લાલૂએ પોતાની પૌત્રીને ઉંચકી વ્હાલ કરી રહ્યા હતા. દાદાની ખોળામાં નવજાત પણ આકર્ષક અને પ્રેમથી રમી રહ્યું હતું. લાલૂ પ્રસાદની સાથે તેજસ્વીની દીકરીને અને માતાના હાલચાલ જાણવા રાબડી દેવી પણ આવ્યા હતા.

લાલૂ રાબડી બંને બાળકીને રમાડતા અને વ્હાલ કરતા દેખાય છે. સોશિયલ મીડિયા પર આ તમામ ક્ષણની તસ્વીરો શેર કરી છે.

હાલમાં જ સારવાર કરાવીને વિદેશથી દિલ્હી આવેલા લાલૂ પ્રસાદે લખ્યું છે કે, તેની નાની આંખોને જોવાથી કંઈ નવું દેખાય છે. ક્યારેક ક્યારેક અનુભૂતિ થાય છે કે, નાતી-પોતી આપના આત્માનો પણ થોડો ભાગ આપની પાસેથી લઈ જતા હોય છે.

આપને જણાવી દઈએ કે, બિહારના ઉપમુખ્યમંત્રી અને લાલૂના નાના દીકરા તેજસ્વી યાદવે સોમવારે સવારે 9.53 કલાકે ટ્વિટ કરીને એક બાળકીના પિતા બન્યા હોવાની જાણકારી આપી હતી. ત્યાર બાદ લાલૂ પરિવાર સહિત આરજેડી કાર્યકર્તાઓ અને સમર્થકોમાં ખુશીની લહેર છવાઈ ગઈ હતી.

તેજસ્વી યાદવે સોમવારે સવારે બાળકીના ફોટો સાથે ટ્વિટ કરતા લખ્યું કે, ઈશ્વરે આનંદિત થઈને પુત્રી રત્ન તરીકે ગ્રીફટ આપી છે. ત્યાર બાદ તેમની બહેન રોહિણી આચાર્યે પણ તેજસ્વી અને બાળકીના ફોટો સાથે એક પછી એક બે ટ્વિટ કર્યા છે.

તેજપ્રતાપ યાદવે કાકા બનવાની ખુશીમાં વિધાનસભામાં લાડ્ડુ વહેંચ્યા હતા. સાથે જ તેમણે કહ્યું કે, નવરાત્રના આ પાવન અવસર પર અમારા પરિવારમાં નવા સભ્યના આગમનથી શુભ સંકેત છે કે, શક્તિ સ્વરુપા મા દુર્ગા પોતાના આશીર્વાદ આપ્યા છે. લાલૂ પરિવારને શુભકામના આપવાનો સિલસિલો સતત ચાલી રહ્યો છે.