Women's Day Special: 600થી વધારે લોકોનો જીવ બચાવ્યો છે એક્તા હાડાએ, વાંચો SDRF ઇન્સ્પેક્ટરની કહાણી

કોટા: ઘરનું આંગણું મહિલાઓ વિના અધુરુ લાગે છે. મા, બહેન અને દીકરીઓ આપણા દરેકની જીવનમાં મહત્વની ભૂમિકા ભજવે છે. અત્યારે તો મહિલાઓ પુરૂષો કરતા પણ આગળ નીકળી ગઈ છે. અને ઘણી મુશ્કેલ કોમો પણ કરી રહી છે. એવા ક્ષેત્રો કે, જેમાં પહેલા મહિલાઓ નહોતી જતી, ત્યા પણ મહિલાઓ હવે સારી એવી કામગીરી નિભાવી રહી છે.

કોટાની એક્તા હાડા પણ એવી જ એક મહિલા છે. જે મુશ્કેલ પરિસ્થિતિઓમાં લોકોના જીવ બચાવે છે. એક્તા કોટામાં SDRFની પ્રથમ મહિલા ઇન્સ્પેક્ટર છે. તે પોતાના ઘર સાથે સાથે અન્ય પડકારજનક કામ પણ કરી રહ્યા છે.

ગયા વર્ષે કોટા ડિવિઝનમાં આવેલા પૂરમાં કેટલાય ગામો ડૂબી ગયા હતા. ત્યારે ઇન્સ્પેક્ટર એક્તા હાડા અને તેમની ટીમે દિવસ-રાત એક કરીને ટાપુ બનેલા ગામમાથી હજારો લોકોનું રેસ્ક્યું કરી બચાવ્યા હતા.

<br />એક્તા હાડા 2015માં પોલીસમાં જોડાઈ હતી. 12 મહિનાની તાલીમ પછી, તેઓ હાદી રાની બટાલિયનમાં સબ ઇન્સ્પેક્ટર તરીકે પોસ્ટ થયા. 2022 માં, તેમને SDRFમાં નિરીક્ષકના પદ પર બઢતી આપવામાં આવી.

ઇન્સ્પેક્ટર એક્તા હાડાએ જણાવ્યું કે, મહિલાઓએ કોઈ પણ ક્ષેત્રમાં પાછળ ના રહેવું જોઈએ. મહિલાઓ ભલે નોકરી પર હોય કે, ઘરે હોય તેમને સારૂ કામ કરવું જોઈએ.

એક્તા હાડા જણાવે છે કે, કોટા અને ઝાલાવાડમાં તેણે હજારો લોકોને આપ મિત્ર તરીકે તાલીમ પણ આપી છે.