અધધધ...20 કરોડનો વિદેશી દારૂ ગટકાઇ જાય છે, કિમ જોંગ ઉન!

કિમ જોગ ઉન ફરીથી ઉત્તર કોરિયાના પ્રમુખ તરીકે ચૂંટાઇ આવ્યા છે. ચાર વર્ષ પછી થયેલા સામાન્ય ચૂંટણીમાં તેમના પક્ષમાં 99.98 ટકા વોટ પડ્યા છે. જો કે તે વાત પણ એટલી જ વ્યાજબી છે કે આમ પણ તેમની સામે કોઇ ઉમેદવાર ઊભો નહતો. ત્યારે આ ચૂંટણી તો ખાલી દુનિયાને તે દેખાડવા માટે હતી કે કિમને લોકો કેટલા પસંદ કરે છે. ત્યારે સાઇટ ધ સ્કાઉંડર અને યુએનની એક રિપોર્ટ મુજબ કિમની પાસે વર્ષ 2018માં સાત થી 10 બિલિયન ડોલરની રકમ હોવી જોઇએ.

<br />34 વર્ષીય કિમની મોટાભાગની કમાણી આફ્રિકામાં અવૈધ રીતે ઉત્તર કોરિયામાં આવતા હાથી દાંત, દારૂ અને સ્મગલિંગ અને હથિયાર સમેત ડ્રગ્સ વેચવાથી થાય છે. દુનિયાના અનેક દેશોમાં તેમના ખાતા છે. 2013માં અમેરિકા અને દક્ષિય કોરિયાના સંયુક્ત તપાસમાં જાણવા મળ્યું કે ઉત્તર કોરિયાના 200 વધુ તેવા ખાતા છે જેમાં અપહરણ, છેતરપીંડી, હથિયાર વેચવાના કાળા નાણાં જમા થાય છે.

કિમને ઉત્તર કોરિયામાં મળવા જનાર બાસ્કેટબોલ સ્ટાર ડેનિસ રાડમનના કહેવા મુજબ કિમ એક ઉડાઉ અમીર છે. જેની જિંદગી લક્ઝરીથી ભરેલી છે. તે દર વર્ષે પોતાના અને પોતાના પરિવાર પર 600 મિલિયન ડોલર ખર્ચ કરે છે. અને તેમનો દારૂનો જ વાર્ષિક ખર્ચો 20 કરોડ રૂપિયાનો છે.

ઉત્તર કોરિયાથી ભાગીને બીજા દેશોમાં શરણ લેનાર લોકોનું કહેવું છે કે કિમનું જીવન ખૂબ જ ભવ્ય છે. તેમની પાસે સુપર યાટ, દ્રીપ, રિસોર્ટ છે. જેમાં તે પાર્ટી કરે છે. અને તેમના વફાદારોને અહીં તમામ લાભો મળે છે.

બ્રિટનના એક છાપા મુજબ કિમ પાસે અનેક બુલેટપ્રૂફ મર્સિડિઝ છે અને અનેક લિમોઝીન પણ. એટલું જ નહીં પ્રાઇવેટ રિસોર્ટ પણ છે. તે પોતાના માટે મોંધી ભેટ તો ખરીદે જ છે સાથે તેમના વફાદારોને પણ મોંધા ઉપહાર આપે છે .

એક બાજુ જ્યાં કિમ વિદેશી દારૂની મેહફિલો માણે છે તો બીજી તરફ હકીકત તે પણ છે કે અહીંના લોકો પાસે ખાવાના પૈસા નથી. અને ના જ તેમને લક્ઝરી કે વિદેશી કોઇ વસ્તુ ખરીદી શકવાની ત્રેવડ છે.

યુએનના એક રિપોર્ટમાં તેમ પણ કહેવામાં આવ્યું છે કે 2011માં કિમ માટે વિદેશોથી 300 મિલિયન ડોલરનો સામાન ખરીદવામાં આવ્યો હતો. તે પછીના વર્ષે તે રકમ બેગણી થઇ ગઇ અને 646 મિલિયન ડોલર સુધી પહોંચી ગઇ.