ખાલસા એઇડ સંસ્થા પહોંચી સીરિયા, જુઓ માનવતાની ખાસ તસવીરો

છેલ્લા 11 દિવસમાં સીરિયાનાં ઘોઉટા વિસ્તારમાં બોમ્બ બ્લાસ્ટ દરમિયાન 500થી વધુ લોકોએ પોતાનો જીવ ગુમાવ્યો છે

આ બ્લાસ્ટમાં સામાન્ય નાગરીકો ભોગ બન્યા છે. આ બોમ્બ બ્લાસ્ટ બાદ નાના નાના ભુલકાઓની તસવીરો સોશિયલ મીડિયામાં સહાનુભૂતિ મેળવી રહી હતી.

તેવામાં આંતરરાષ્ટ્રિય NGO ખાલસા એઇડ સીરિયા પહોંચી ગઇ હતી. અને તેમણે અહીંનાં પીડિતોને મદદ કરી છે.

NGO દ્વારા ખાવા પીવાનું, રહેવા માટે ટેન્ટ આરોગ્યની સેવાઓ આપવામાં આવી છે.

ખાલસા એઇડની આ કામગીરીની સોશિયલ મીડિયા પર પણ નોંધ લવાઇ છે. આ સાથે જ તેમની મદદની તસવીરોએ સોશિયલ મીડિયા પર બધાનું દિલ જીતી લીધુ છે.

આપને જણાવી દઇએ કે ખાલસા એઇડની સ્થાપના વર્ષ 1999માં થઇ હતી. જે રવિન્દર સિંઘ નામનાં એક સરદારજીએ કરી હતી. આ સંસ્થા કોસોવોનાં શરણાર્થીઓની દુર્દશા જોઇને સ્થપવામાં આવી હતી.

દુનિયાભરમાં વિવિધ જગ્યાએ આવેલી કુદરતી કે કુત્રિમ આફતોનાં ભોગ બનેલા લોકોની મદદ કરે છે ખાલસા એઇડ. તેનો મુખ્ય ઉદ્દેશ લોકોની સેવા કરવાનો છે.

સંસ્થા દ્વારા યમન સિવિલ વોરનાં પીડિતો, રોહિગ્યામુસ્લિમો, નિરાશ્રીતો, નેપાળ ધરતીકંપનાં ભોગ બનનારાઓને મદદ કરી છે

આ ઉપરાંત તેમણે દેશમાં વિશાખાપટ્ટનમમાં આવેલાં તોફાનનાં પીડિતો અને ઓડિશાનાં પૂર પીડિતોની મદદ કરવામાં આવી છે.