ત્રણ હેલિકોપ્ટર લઇને શહેરમાં પહોંચ્યો કબાડી, આશ્ચર્યચકિત થઇ ગયા લોકો, ફોટા પડાવવા ભારે ભીડ

નવી દિલ્હી : પંજાબના માનસાના એક કબાડીએ ભારતીય સેનાના 6 કંડમ હેલિકોપ્ટર ખરીદ્યા છે. જેને જોવા માટે લોકોની ભીડ એકઠી થઇ હતી. એક હેલિકોપ્ટરનું વજન 10 ટનની આસપાસ છે. જેને હરાજીના માધ્યમથી ખરીદવામાં આવ્યા હતા.

આ હેલિકોપ્ટરોમાંથી એક મુંબઈની પાર્ટીએ લીધું છે જ્યારે બે લુધિયાણાના હોટલ માલિકે ખરીદી લીધા છે. બાકી હેલિકોપ્ટર માનસામાં ઉભા છે, જે લોકોમાં આકર્ષણનું કેન્દ્ર બની રહ્યા છે.

પંજાબમાં ભંગારનો સામાન રાખનાર મિઠ્ઠુ કબાડીયા જાણીતું નામ છે. ભારતીય વાયુસેના પાસેથી કબાડમાંથી હેલિકોપ્ટર ખરીદીને જ્યારે માનસામાં પહોંચ્યો તો તેને જોવા માટે મોટી સંખ્યામાં લોકો ઉમટી પડ્યા હતા.

શહેરના લોકો હેલિકોપ્ટરની અંદર અને બહાર ઉભા રહીને ફોટો પડાવી રહ્યા છે. લોકો પણ આ હેલિકોપ્ટર જોઈને ખુશ થઇ ગયા છે.