સૂર્યથી લઈ શુક્ર સુધી મિશન મોકલવાની તૈયારીમાં ISRO

ભારતનું ચાંદ પર જનારુ મિશન ચંદ્રયાન-2, ભારતનું સૌથી મોટુ મિશન હશે. તેને ભારતના શક્તિશાળી રોકેટ જીએસએલવી એમકે-3 દ્વારા ચંદ્રમા પર મોકલવામાં આવશે. આ મિશનમાં ઓર્બિટર, લેન્ડર અને રોવર સામેલ હશે, જે ચંદ્રમા પર જઈ તેનું અધ્યયન કરશે. આ આ વર્ષે ઈસરોનું સૌથી મોટુ મહત્વકાંક્ષી મિશન છે. જોકે, ISROના લીસ્ટમાં ચર્ચિત ચંદ્રયાન-2 અથવા ગગનયાન માનવ મિશન સિવાય પણ કરવા માટે ઘણું છે.

સતીશ ધવન અંતરિક્ષ કેન્દ્ર, શ્રીહરિકોટામાં યુવિકા-યંગ સાઈન્ટિસ્ટ પ્રોગ્રામ ઓફ સ્કૂલ સ્ટૂડન્ટ્સ વિશે ઈસરોના ચેરમેન સિવાન વાત કરી રહ્યા હતા, જ્યારે તેમણે રિપોર્ટ્સને આ મિશન વિશે જાણકારી આપી. તેમમે જણાવ્યું કે, ઈસરો અગામી દશકમાં 7 અલગ-અલગ ગ્રહો પર મિશન મોકલશે. આ મિશનમાં માર્સ ઓર્બિટર 2, ચંદ્રયાન 3, શુક્રગ્રહ પર એક મિશન, એક્સપોસેટ પ્લેનેટરી એક્સપ્લોરેશન, આદિત્ય એલ1 વગેરે પ્રમુખ હશે. આ સાથે જ ભારત દુનિયાભરમાં અંતરીક્ષમાં સૌથી મજબૂત દેશોમાંથી એક થઈ જશે.

ઈસરો ચીફ સિવાને કહ્યું કે, શુક્ર વિશે ગણી જીજ્ઞાસા છે. અમે ભારત અને દુનિયાભરના વૈજ્ઞાનિક સમુદાયને શુક્રના અધ્યયનના ઘણા અવસર આપવાની જાહેરાત કરી છે. આ મિશન પર મોકલવા માટે 20 પેલોડ આવી રહ્યા છે.

ઈસરો ચીફ સિવાને મિશન આદિત્ય એલ11ની પણ વાત કરી, જેને 2020ના વચ્ચે લોન્ચ કરવામાં આવી શકે છે. આને સૂર્યના કોરોનાના અભ્યાસ માટે મોકલવામાં આવશે. તેમણે એ પણ કહ્યું કે, આ મિશનથી જળવાયું પરિવર્તન(ક્લાઈમેટ ચેન્જ) વિશે પણ જાણવામાં મદદ મળશે.

તેમણે જણાવ્યું કે, આદિત્ય એલ1 અને એક્સપો સેટ મિશનનું પ્લાનિંગ પુરૂ તઈ ગયું છે અને તેને પાસ પણ કરી દેવાયું છે. ધ માર્સ ઓર્બિટર 2 અને ચંદ્રયાન-3 હાલમાં પ્લાનિંગ સ્ટેજ પર છે.

ચંદ્રયાન-2 મુદ્દે કહ્યું કે, એજન્સી ઓર્બિટર, લેન્ડર અને રોવરનું પરિક્ષણ અંતિમ તબક્કામાં છે. અને તે તમામ મેના અંત સુધીમાં લોન્ચિંગ માટેતૈયાર હશે. જોકે, ઈસરો પ્રમુખે કહ્યું કે, ચંદ્રયાન-2નું લોન્ચિંગ જુલાઈના પહેલા અથવા બીજા અઠવાડીએ જ કરી દેવામાં આવેશે.

ચંદ્રયાન-2 ભારત માટે ખુબ જરૂરી મિશન છે કેમ કે, તેના દ્વારા ચંદ્રમાના એ ભાગ પર જઈ રહ્યા છીએ, જ્યાં આ પહેલા કોઈ પણ નથી ગયું. આ જગ્યા છે ચંદ્રમાનો દક્ષિણ ધ્રુવ અને ક્યારે પણ ચંદ્રમા પર જનારા આ મિશનની નવી તારીખોની જાહેરાત કરવામાં આવી શકે છે.

ચંદ્રયાન-2 મિશન માટે જનારા 13 પેલોડ વિશે ઈસરો ચેરમેને વિસ્તારથી જણાવ્યું. તેમમે કહ્યું કે, આ પેલોડ વાતાવરણમાં ઉપસ્થિત તત્વોની તપાસ કરશે. આ સિવાય તે ચંદ્રમાના સતહની તપાસ, તેના માપ અને ઉપરી સતહની સંરચના અને ચંદ્રમાના સતહના તત્વોની તપાસ કરશે.