Draupadi Murmu: દ્રૌપદી મુર્મૂના જીવનમાં બની ત્રણ કરુણ ઘટનાઓ, હિંમતભેર સામનો કર્યો અને આજે બન્યા રાષ્ટ્રપતિ

Draupadi Murmu : વ્યક્તિની સફળતા પાછળ ઘણા દુઃખ અને દર્દ છુપાયેલા હોય છે. આવી જ કંઈક સંઘર્ષ ભરી કહાની રહી છે દ્રૌપદી મુર્મુની (Draupadi Murmu). તેમની રાજકીય સફર આજ સુધી ખુબજ શાનદાર રહી છે. પરંતુ પારિવારિક જીવન એટલું જ સંઘર્ષ (struggle) ભર્યું રહ્યું છે. જો તેમના ભૂતકાળની વાત કરવામાં આવે તો 2009 થી 2014 વચ્ચેના પાંચ વર્ષમાં તેમણે બે યુવાન પુત્રો અને પતિના મૃત્યુનું (Death) દુઃખ સહન કરવું પડ્યું હતું. પરંતુ આ પીડાદાયક અનુભવો પછી પણ તેમણે હાર ન માની અને જાહેર જીવનમાં તેમની સેવાઓ ચાલુ રાખી.

પારિવારિક જીવન સંઘર્ષમય પરંતુ રાજકીય ક્ષેત્રમાં પ્રગતિ કરી - દ્રૌપદી મુર્મુનું અંગત જીવન ખૂબ જ મુશ્કેલ હતું. તેમણે રાજકીય જીવનમાં પ્રગતિ કરી પરંતુ પારિવારિક જીવનમાં ઘણું ગુમાવ્યું.

દ્રૌપદી મુર્મુના 25 વર્ષના પુત્ર લક્ષ્મણ મુર્મુનું 2009માં અવસાન થયું હતું. લક્ષ્મણ મુર્મુ ભુવનેશ્વરમાં ઘરે બેભાન મળી આવ્યા હતા, હોસ્પિટલમાં લઈ જવાયા બાદ તેમને મૃત જાહેર કરવામાં આવ્યા હતા. હજુ તો એક દીકરાના મૃત્યુનું દુઃખ ઓસર્યું નોહ્તું ત્યાં 2013માં દ્રૌપદી મુર્મુએ તેમનો બીજો પુત્ર ગુમાવ્યો હતો. તેમના પુત્રનું માર્ગ અકસ્માતમાં મૃત્યુ થયું હતું. માત્ર 4 વર્ષમાં તેમને તેમના 2 યુવાન પુત્રોના મૃત્યુની પીડા સહન કરવી પડી હતી.

બે દીકરા ગુમાવ્યા બાદ પતિનું મૃત્યુ - દ્રૌપદી મુર્મુના પતિનું એક વર્ષ બાદ 2014માં અવસાન થયું હતું. તેમના પતિ શ્યામચરણ મુર્મુને હાર્ટ એટેક આવ્યો હતો. 5 વર્ષમાં બે પુત્રો અને પતિ ગુમાવ્યા બાદ દ્રૌપદી મુર્મુ સંપૂર્ણપણે ભાંગી પડ્યા હતા.

હવે દ્રૌપદી મુર્મુના પરિવારમાં એક માત્ર પુત્રી છે, ઇતિ શ્રી મુર્મુ. તેમની પુત્રી બેંકમાં નોકરી કરે છે.