Coronavirus Cases in India Latest News Updates: દેશમાં એક તરફ કોરોનાના નવા કેસો સામે આવી રહ્યા છે તો બીજી તરફ કોવિડ-19ને મ્હાત આપી સાજા થનારા દર્દીઓની સંખ્યા પણ સકારાત્મક સંકેતો આપી રહ્યા છે. અત્યાર સુધીમાં 92 લાખથી પણ વધુ દર્દીઓ સાજા થયા છે. બુધવારે, કેન્દ્રીય સ્વાસ્થ્ય વિભાગ દ્વારા જાહેર કરવામાં આવેલા આંકડાઓ મુજબ, છેલ્લા 24 કલાકમાં દેશમાં 32,080 નવા પોઝિટિવ કેસો નોંધાયા છે. આ ઉપરાંત કોવિડ-19 (COVID-19)ના કારણે 402 દર્દીઓએ પોતાના જીવ ગુમાવ્યા છે. દેશમાં હવે કુલ સંક્રમિતોની સંખ્યા વધીને 97,35,850 થઈ ગઈ છે. (પ્રતીકાત્મક તસવીર)
નોંધનીય છે કે, ભારતમાં કોવિડ-19 (Covid-19)ની મહામારી સામે લડીને 92 લાખ 15 હજાર 581 લોકો સાજા પણ થઇ ચૂક્યા છે. 24 કલાકમાં 36,635 દર્દીઓને ડિસ્ચાર્જ કરવામાં આવ્યા છે. હાલમાં 3,78,909 એક્ટિવ કેસો છે. દેશમાં અત્યાર સુધીમાં કુલ 1,41,360 લોકોનાં કોરોના વાયરસના કારણે મોત થયા છે. (પ્રતીકાત્મક તસવીર)
ઈન્ડિયન કાઉન્સિલ ઓફ મેડિકલ રિસર્ચ (ICMR)એ બુધવારે જાહેર કરેલા આંકડાઓ મુજબ, 8 ડિસેમ્બર સુધીમાં ભારતમાં કુલ 14,98,36,767 કોરોના સેમ્પલનું ટેસ્ટિંગ કરવામાં આવ્યું છે. નોંધનીય છે કે, મંગળવારના 24 કલાકમાં 10,22,712 સેમ્પલનું ટેસ્ટિંગ કરવામાં આવ્યું છે. (તસવીરઃ ICMR)
ગુજરાતમાં 24 કલાકમાં કોરોના વાયરસના 1325 નવા કેસ નોંધાયા છે. સૌથી વધુ ચિંતાજનક સ્થિતિ અમદાવાદની છે. અમદાવાદમાં કેસમાં ઘટાડો આવ્યો છે. ત્યારે આજે શહેરમાં 278અને જિલ્લામાં 16 કેસ નોંધાયા છે. રાજ્યમાં વધુ 15 દર્દીનાં નિધન થતા કોરોનાની કાતિલ રફતાર જોવા મળી છે. રાજ્યમાં અત્યાર સુધીમાં કોવિડના કારણે કુલ 2,03,111 દર્દીઓ સંક્રમિત થઈ ચુક્યા છે. આ સાથે જ અમદાવાદમાં કુલ કેસનો આંકડો 50000ને પાર થઈ ગયો છે. (પ્રતીકાત્મક તસવીર)
24 કલાકમાં અમદાવાદમાં 294, સુરતમાં 214, વડોદરામાં 171, રાજકોટમાં 129, મહેસાણામાં 47, ખેડામાં 46, બનાસકાંઠામાં 40, જામનગરમાં 46, ગાંધીનગરમાં 50, સુરેન્દ્રનગરમાં 26, ભરૂચમાં 24, કચ્છમાં 21, પંચમહાલમાં 20, પાટણમાં 20 કેસ નોંધાયા છે. (પ્રતીકાત્મક તસવીર)
બીજી તરફ, મોરબીમાં 24 કલાકમાં 18, અમરેલીમાં 16, સાબરાકાંઠામાં 16, ભાવનગરમાં 20, દાહોદમાં 13, ગીરસોમનાથમાં 11, જૂનાગઢમાં 19, નર્મદામાં 10, આણંદ, છોટાઉદેપુરમાં 9-9, અરવલ્લી-મહીસાગરમાં 8-8, દેવભૂમિ દ્વારકામાં 7, ભાવનગરમાં, પોરબંદરમાં 5-5, વલસાડમાં 3, બોટાદમાં 2, નવસારીમાં 2 અને તાપીમાં 1 કેસ મળી કુલ 1325 કેસ નોંધાયા છે. (પ્રતીકાત્મક તસવીર)
