નવી દિલ્હી: ભારતમાં કોરોના વેક્સીનેશન અભિયાન (Corona Vaccination Campaign)નું પહેલું ચરણ હાલ ચાલી રહ્યું છે. સોમવાર સુધીમાં કુલ 37,58,843 લોકોને કોવિડ વેક્સીન (Covid Vaccine) આપવામાં આવી ચૂકી છે. કેન્દ્રીય સ્વાસ્થ્ય વિભાગ દ્વારા જાહેર કરવામાં આવેલા આંકડાઓ મુજબ, છેલ્લા 24 કલાકમાં દેશમાં 11,427 નવા (Corona Positive Cases) પોઝિટિવ કેસો નોંધાયા છે. આ ઉપરાંત કોવિડ-19 (COVID-19)ના કારણે 118 દર્દીઓએ પોતાના જીવ ગુમાવ્યા છે. દેશમાં હવે કુલ સંક્રમિતોની સંખ્યા વધીને 1,07,57,610 થઈ ગઈ છે. (પ્રતીકાત્મક તસવીર)
ભારતમાં કોવિડ-19 (Covid-19)ની મહામારી સામે લડીને 1 કરોડ 4 લાખ 34 હજાર 983 લોકો સાજા પણ થઇ ચૂક્યા છે. 24 કલાકમાં 11,858 દર્દીઓને ડિસ્ચાર્જ કરવામાં આવ્યા છે. હાલમાં 1,68,235 એક્ટિવ કેસો છે. બીજી તરફ, અત્યાર સુધીમાં કુલ 1,54,392 લોકોનાં કોરોના વાયરસના કારણે મોત થયા છે. (પ્રતીકાત્મક તસવીર)
ઈન્ડિયન કાઉન્સિલ ઓફ મેડિકલ રિસર્ચ (ICMR)એ સોમવારે જાહેર કરેલા આંકડાઓ મુજબ, 31 જાન્યુઆરી સુધીમાં ભારતમાં કુલ 19,70,92,635 કોરોના સેમ્પલનું ટેસ્ટિંગ કરવામાં આવ્યું છે. નોંધનીય છે કે, રવિવારના 24 કલાકમાં માત્ર , 5,04,263 સેમ્પલનું ટેસ્ટિંગ કરવામાં આવ્યું છે. (પ્રતીકાત્મક તસવીર)
ગુજરાતમાં કોરોનાના કેસમાં સતત ઘટાડો થઈ રહ્યો છે. 24 કલાક દરમિયાન રાજ્યમાં 316 નવા કેસ નોંધાયા છે. રાજ્યમાં આજે 9 મહીના બાદ પ્રથમ વખત કોરોના સંક્રમણથી એકપણ મોત નથી થયું. રાજ્યમાં કોરોનાથી રિકવરી રેટ 97.00 ટકા પર પહોંચ્યો છે. (પ્રતીકાત્મક તસવીર)
ગુજરાતમાં 24 કલાકમાં 335 લોકોને ડિસ્ચાર્જ કરવામાં આવ્યા હતા. તેની સાથે કુલ ડીસ્ચાર્જ થયેલા લોકોની સંખ્યા 2,53, 703 પર પહોંચી છે. રાજ્યમાં હાલ 3450 એક્ટિવ કેસ છે, જેમાંથી 33 લોકો વેન્ટિલેટર પર અને 3417 લોકો સ્ટેબલ છે. કોરોનાથી કુલ મૃત્યુઆંક 4387 પર પહોંચ્યો છે. (પ્રતીકાત્મક તસવીર)
બીજી તરફ, અમદાવાદ કોર્પોરેશનમાં 72, વડોદરા કોર્પોરેશનમાં 67, સુરત કોર્પોરેશનમાં 39, રાજકોટ કોર્પોરેશનમાં 35, વડોદરામાં 12, રાજકોટ 10, કચ્છ 8, સુરત 8, મહેસાણા 7, જામનગર કોર્પોરેશન 6, ગાંધીનગર અને જૂનાગઢ 5-5 કેસ નોંધાયા હતા. (પ્રતીકાત્મક તસવીર)
