સાવધાન! આ વર્ષે આ વિસ્તારોમાં થશે જબરદસ્ત વરસાદ

ભારતીય હવામાન વિભાગે કહ્યું છે કે, અગામી 5 દિવસમાં ચોમાસુ કેરળના તટ પર દસ્તક આપશે. 2-3 દિવસમાં અંડમાન-નિકોબાર સિવાય આસામ, મેઘાલય, નાગાલેન્ડ, ત્રિપુરા અને કર્ણાટકમાં ભારે વરસાદની આસા વ્યક્ત કરવામાં આવી રહી છે. જ્યારે, બીજી બાજુ હવામાન વિભાગના ADG ડો. મૃત્યુંજય મહાપાત્રાનું કહેવું છે કે, ઉત્તર ભારતના દિલ્હી-એનસીઆર, ઉત્તર પ્રદેશ, પંજાબ, ચંદીગઢ, મધ્યપ્રદેશ, બિહાર, રાજસ્થાન સહિત કેટલાએ વિસ્તારોમાં કાળઝાળ ગરમી અને લૂનો પ્રકોપ અગામી 2 દિવસ હજુ જોવા મળશે. ત્યારબાદ ધીરે ધીરે લૂથી રાહત મળશે. તમને જણાવી દઈએ કે, રાજસ્થાનના શ્રીગંગાનગરમાં પારો 49.6 ડિગ્રી સુધી પહોંચી ગયો, જે અત્યાર સુધીનું સૌથી વધારે તાપમાન રહ્યું છે. ગરમીએ 75 વર્ષનો રેકોર્ડ તોડ્યો છે. આ પહેલા શ્રીગંગાનગરમાં 30મે 1944ના રોજ વધારેમાં વધારે તાપમાન 49.4 નોંધાયું હતું.

હવામાન વિભાગના ADG ડો. મૃત્યુંજય મહાપાત્ર અનુસાર, 6 જૂન સુધી ચોમાસુ કેરળ પહોંચવાની આશા છે. સાથે જ, નોર્થ ઈસ્ટ રાજ્યોમાં અગામી 3-5 દિવસમાં ગડગડાહટ સાથે ભારે વરસાદ થઈ શકે છે. જ્યારે, દિલ્હીમાં હાલમાં વરસાદની કોઈ સંભાવના જોવા નથી મળી રહી. તાપમાન વધીને 46 ડિગ્રી સુધી પહોંચી શકે છે. જોકે, બે દિવસ બાદ ધીરે-ધીરે તાપમાનમાં ઘટાડો નોંધાશે.

જાહેર કરાયું બીજુ અનુમાન<br />હવામાન વિભાગ અનુસાર, દક્ષિણ ભારતમાં 97 ટકા ચોમાસાનું અનુમાન છે. જ્યારે પૂર્વોત્તર ભારતમાં 91 ટકા વરસાદનું અનુમાન છે. આઈએમડી અનુસાર, ઉત્તર-પશ્ચિમ ભારતમાં ચોમાસુ 94 ટકા રહેશે. જ્યારે, મધ્ય ભારતમાં 100 ટકા ચોમાસાનું અનુમાન છે.

જૂનથી સપ્ટેમ્બરમાં એવરેજ 96 ટકા વરસાદ થવાનું અનુમાન છે. જોકે, જુલાઈમાં સામાન્યથી નબળો વરસાદ થવાની સંભાવના છે. આઈએમડી અનુસાર, જુલાઈમાં એવરેજ 95 ટકા વરસાદ થઈ શકે છે. જ્યારે ઓગષ્ટમાં સારો વરસાદ થવાના સંકેત છે.

ઓગષ્ટમાં એવરેજ 99 ટકા વરસાદ વરસી શકે છે. આઈએમડી અનુસાર, આ વર્ષે ઉત્તર પશ્ચિમ અને ઉત્તર પૂર્વીય ભારતમાં નબળા વરસાદની આશંકા છે. જ્યારે મધ્ય અને દક્ષિણ ભારતમાં સારા વરસાદનું અનુમાન છે. આઈએમડી પોતાનું અગામી અનુમાન જુલાઈના અંતમાં જાહેર કરશે.