Himachal Pradesh Assembly Elections 2022: કોણ બનશે મુખ્યમંત્રી! કઈ મહિલાને મળી શકે છે કમાન?

હિમાચલ પ્રદેશના મુખ્યમંત્રી પદની રેસમાં પ્રતિભા સિંહ સૌથી આગળ હોવાનું કહેવાઈ રહ્યું છે. જો કોંગ્રેસ તેમને મુખ્ય મંત્રી બનાવે છે તો તે રાજ્યની પ્રથમ મહિલા મુખ્યમંત્રી હશે.

પ્રતિભા સિંહ પૂર્વ મુખ્યમંત્રી વીરભદ્ર સિંહની પત્ની છે અને વર્તમાનમાં મંડીથી લોકસભા સભ્ય છે. ઉલ્લેખનીય છે કે 1983માં મુખ્યમંત્રી બન્યા પછી વીરભદ્ર સિંહનો કોંગ્રેસ પર સારો પ્રભાવ રહ્યો હતો. જ્યારે પણ પાર્ટીની સરકાર બની, તે મુખ્યમંત્રી બન્યા. 1983 પછી આ પ્રથમ ચૂંટણી છે, જ્યારે પાર્ટીએ વીરભદ્ર સિંહના નિધન પછી તેમના વગર ચૂંટણી લડી છે.

હિમાચલ કોંગ્રેસના પૂર્વ અધ્યક્ષ સુખવિંદર સિંહ સુક્ખૂ પણ મુખ્યમત્રીની રેસમાં છે. સુક્ખૂએ નૌદાન સીટથી ચૂંટણી લડી છે. તે હિમાચાલ પ્રદેશ કોંગ્રેસ પ્રચાર સમિતિના અધ્યક્ષ પ

મુખ્યમંત્રી પદની દોડમાં વિપક્ષના નેતા મુકેશ અગ્નિહોત્રી પણ છે. તે ચાર વખતના ધારાસભ્ય છે. 2017 પહેલા વીરભદ્ર સિંહના નેતૃત્વવાળી સરકારમાં મહત્વપૂર્ણ વિભાગોને સંભાળ્યા હતા. મુકેશ અગ્નિહોત્રી હરોળીથી ધારાસભ્ય છે અને 2012થી જીતી રહ્યાં છે.

વિક્રમાદિત્ય સિંહ મંડીથી સાંસદ પ્રતિભા સિંહના પુત્ર છે. તે શિમલા ગ્રામીણથી સતત બીજી વખત ચૂંટણી જીત્યા છે. મુખ્યમંત્રી પદના પ્રબળ દાવેદારોમાંથી એક છે. વીરભદ્ર સિંહના મૃત્યુ પછી રામપુર બુશહરના આગામી રાજા જાહેર થયા હતા. જોકે એક્સપર્ટનું માનવું છે કે તે ઉંમરમાં ખૂબ નાના છે, તેના પગલે મુખ્યમંત્રીના દાવેદાર નથી.