હાર્દિક સિવાય દેશના આ નેતાઓને પણ પડ્યા છે લાફા

આજે વહેલી સવારે સુરેન્દ્રનગરમાં સભા સંબોધવા માટે ગયેલા કોંગ્રેસના નેતા હાર્દિક પટેલને એક યુવકે મંચ પર જઈને લાફો માર્યો હતો. તરૂણ ગજ્જર નામનો આ વ્યક્તિ કડીનો રહેવાસી હતો અને તેણે પાટીદારોનું ઉપરાણું લઈને હાર્દિકને લાફો માર્યો હતો. જોકે, હાર્દિક દેશનો પહેલો એવો નેતા નથી જેને લાફો પડ્યો હતો. હાર્દિક ઉપરાંત દેશના અન્ય એવા નેતાઓ પણ છે જેને લાફા પડ્યાં છે.

કેજરીવાલ: દિલ્હીના મુખ્ય મંત્રી અરવિંદ કેજરીવાલને વર્ષ 2014માં એક રોડ શો દરમિયાન લાફો પડ્યો હતો. તેમને ત્યારબાદ પણ પ્રચાર દરમિયાન લાફો મારવામાં આવ્યો હતો.

શરદ પવાર : વર્ષ 2011માં યુપીએ સરકારના કૃષિ મંત્રી શરદ પવારને એક યુવકે લાફો માર્યો હતો. હરવિંદર સિંહ નામના આ વ્યક્તિએ ભ્રષ્ટાચાર મોંધવારી સહિતના મુદ્દે નારા લગાવી શરદ પવારને લાફો માર્યો હતો.

રામદાસ અઠાવલે : વર્ષ 2018માં રિપબ્લિકન પાર્ટી ઑફ ઇન્ડિયાના અધ્યક્ષ અને કેન્દ્રીય મંત્રી રામદાસ અઠાવલેને મુંબઈ પાસેના એક કાર્યક્રમમાં એક યુવકે લાફો માર્યો હતો. આ ઘટના થાણેના અંબરનાથમાં ઘટી હતી.

શિપાલ યાદવ : વર્ષ 2008માં લખનઉમાં કેટલાક વિદ્યાર્થીઓની ધરપકડ થઈ હતી. તેમના છૂટકારાની માંગણી કરી રહેલા વિદ્યાર્થીઓ સાથે શિવપાલ યાદવ ધરણા પર હતા ત્યારે એક સિપાહીએ શિવપાલ યાદવને લાફો માર્યો હતો.