દ્રાસ, લદાખઃ દુનિયાની બીજી સૌથી ઠંડી જગ્યા દ્રાસ (Dras)માં સીઝનની પહેલી બરફવર્ષા (Snowfall) થઈ છે. આ વર્ષની પ્રારંભિક બરફવર્ષાએ દ્રાસના નિવાસીઓની વચ્ચે ચિંતા ઊભી કરી દીધી છે. અહીંના સ્થાનિકોનું કહેવું છે કે આવશ્યક વસ્તુઓની શીતકાલીન સ્ટોકીંગ હજુ સધી પૂરી નથી થઈ શકી. (Photo- Twitter/@airnewsalerts)
જોજિલા પાસ અને મીના માર્ગ પર ખૂબ બરફવર્ષા થઈ. લગભગ બેથી ચાર ઈંચ જેટલી બરફવર્ષા થઈ. આ દરમિયાન પર્યટકોએ ખૂબ મજા માણી. (Photo- Twitter/@airnewsalerts)
રસ્તા કિનારે વાહનોને ઊભા રાખીને પર્યટકોએ બરફવર્ષામાં તસવીરો ખેંચાવી. નોંધનીય છે કે આ રોડ ઘણી ઊંચાઈ પર છે જેના કારણે આ વિસ્તારમાં બરફવર્ષા વહેલી થાય છે. (Photo- Twitter/@airnewsalerts)
દ્રાસમાં સ્થાનિક અધિકારીઓએ જણાવ્યું કે, સવારના સમયે 434 કિલોમીટર લાંબા શ્રીનગર-લેહ નેશનલ હાઇવેની સાથે જોજિલા પાસ અને મીના-માર્ગ સહિત દ્વાસ અને તેની આસપાસના ક્ષેત્રોમાં બરફવર્ષા શરૂ થઈ ગઈ. જોકે અંતિમ રિપોર્ટ આવ્યા સુધી શ્રીનગર-લેહ નેશનલ હાઇવે પર ટ્રાફિક નિયમિત રીતે ચાલી રહ્યો હતો. (Photo- Twitter/@airnewsalerts)
સ્થાનિક રહેવાસી અબ્દુલ મજીદે કહ્યું કે, શ્રીનગર-લેહ નેશનલ હાઇવેને વહેલો બંધ કરવાથી લદાખની જીવનરેખા, COVID-19ના ફેલાવાની આશંકા વધી શકે છે.
એક સરકારી અધિકારીએ કહ્યું કે, જો હવામાન અનુકૂળ રહેશે તો પ્રશાસન આ વર્ષે નેશનલ હાઇવેને લાંબા સમય સુધી ખુલ્લો રાખવાનો પ્રયાસ કરશે.
ગયા વર્ષે બરફવર્ષાના કારણે 9 નવેમ્બરે આ હાઇવે બંધ થઈ ગયો હતો, પરંતુ થોડા દિવસ બાદ ફરીથી ખુલ્લો મૂકવામાં આવ્યો હતો. ત્યારબાદ વધુ બરફવર્ષા થવા બાદ ફરી બંધ કરી દેવામાં આવ્યો હતો.
