ઈમરાન ખાનની રેલીમાં ફાયરિંગ, પૂર્વ પાકિસ્તાની પીએમને ચાર ગોળી વાગી હોવાના અહેવાલ

પાકિસ્તાનના પૂર્વ વડાપ્રધાન ઈમરાન ખાનની રેલીમાં ફાયરિંગ થયું છે. જણાવવામાં આવી રહ્યું છે કે, આ ફાયરિંગમાં ઈમરાનના કન્ટેનર પાસે થયું હતું અને આ દરમિયાન પૂર્વ પાક પીએમને પગમાં ગોળી પણ વાગી છે.

પાકિસ્તાન મીડિયાના અહેવાલ મુજબ, વજીરાબાદમાં ઝફર અલી ખાન ચોક પાસે પૂર્વ પીએમ અને પાકિસ્તાન તહરીક-એ-ઈન્સાફ (પીટીઆઈ)ના પ્રમુખ ઈમરાન ખાનના કન્ટેનર પાસે ફાયરિંગ થયું હતું.

પાકિસ્તાનના ARY ન્યૂઝના અહેવાલ મુજબ, ગોળી વાગવાથી ઈમરાન ખાન ઘાયલ થયા છે. તેમને જમણા પગમાં ગોળી વાગી હતી અને તેને નજીકની હોસ્પિટલમાં લઈ જવામાં આવ્યા હતા. આ કેસમાં પોલીસે એક વ્યક્તિની ધરપકડ પણ કરી છે. જોકે, બાદમાં સમાચાર એજન્સી PTIએ ઈમરાન ખાન સંપૂર્ણપણે સુરક્ષિત હોવાનું જણાવ્યું હતું.

ગોળી વાગવાથી ઈમરાન ખાન ઘાયલ થયા છે. તેમને જમણા પગમાં ગોળી વાગી હતી અને તેને નજીકની હોસ્પિટલમાં લઈ જવામાં આવ્યા હતા.

પોલીસે જણાવ્યું કે ફાયરિંગ કરનાર વ્યક્તિની ધરપકડ કરવામાં આવી છે. આ ફાયરિંગમાં પીટીઆઈ નેતા ફૈઝલ જાવેદ સહિત કેટલાક અન્ય લોકો પણ ઘાયલ થયા છે. હુમલાખોર વિશે હજુ સુધી માહિતી ઉપલબ્ધ નથી.