અભિનંદનના નામ પર છે કેટલાએ નકલી ટ્વીટર એકાઉન્ટ, IAFએ આપી સલાહ

ભારતીય વાયુસેનાના વિંગ કમાન્ડર અભિનંદન લર્ધમાનના નામથી નકલી એકાઉન્ટ ચલાવવામાં આવી રહ્યા છે. જાણકારી અનુસાર, અભિનંદનના નામથી ચલાવવામાં આવી રહેલા આ એકાઉન્ટ લગભગ એક અઠવાડીયામાં બનાવવામાં આવ્યા છે.

સમાચાર એજન્સી ANI અનુસાર, વિંગ કમાન્ડરે વાયુસેનાને જાણકારી આપી કે, તેમનું કોઈ ટ્વીટર એકાઉન્ટ જ નથી. તેમણે એ પણ કહ્યું છે કે, ઈન્સ્ટાગ્રામ પર અભિનંદનનું કોઈ એકાઉન્ટ નથી. ભારતીય વાયુસેનાએ સલાહ આપી છે કે, અભિનંદનના નામ પર બનેલા એકાઉન્ટને ફોલો ન કરો. તેમાં વાયરસ હોઈ શકે છે.

તમને જણાવ દઈએ કે, અભિનંદન ગત શુક્રવારે જ પાકિસ્તાનથી પાછો ફર્યો છે, અને પૂરા દેશે તેની વાપસી પર ખુશી વ્યક્ત કરી છે. સૂત્રો અનુસાર, અભિનંદનના નામનો ફાયદો ઉઠાવી કેટલાએ એવા ટ્વીટર એકાઉન્ટ બનાવી લેવામાં આવ્યા છે, જે તેમનું પર્સનલ ટ્વીટર એકાઉન્ટ હોવાનો દાવો કરી રહ્યા છે.

આ પહેલા ઈન્ડીયન એરફોર્સે પણ એક નિવેદન જાહેર કરી કહ્યું હતું કે, @Abhinandan_wc યૂઝરનેમથી એક એકાઉન્ટ બનાવવામાં આવ્યું છે, જે ફેક છે પરંતુ સળંગ તસવીરો દ્વારા અસલી હોવાનો દાવો કરવામાં આવી રહ્યો છે. આ એકાઉન્ટથી રક્ષા મંત્રી નિર્મલા સીતારમન સાથે અભિનંદનની એક તસવીર પણ શેર કરવામાં આવી છે. આ સિવાય અભિનંદનના પરિવારનો એક પોટો પણ ટ્વીટ કરવામાં આવ્યો છે.

આ એકાઉન્ટને હાલમાં સસ્પેન્ડ કરી દેવામાં આવ્યું છે. આ સિવાય @IAF_Abhinanden અને @Abhinandan_WCdr જેવા કેટલાએ એકાઉન્ટ હજુ પણ સર્કિય છે, જેમાંથી કોઈ અસલી છે કે નહી તેની પુષ્ટી હજુ નથી થઈ શકી.