એએસઆઇસી (ESIC)ના નિર્દેશક મંડળે કોરોના વાયરસ મહામારીને ધ્યાનમાં રાખીને બેરોજગાર થનાર લોકોને રાહત આપવા માટે આ વર્ષે 24 માર્ચથી 31 ડિસેમ્બર સુધી બેરોજગારી લાભ હેઠળ ચૂકવણી બમણી કરી છે. આ યોજના હેઠળ હવે ત્રણ મહિના સરેરાશ વેતનનો 50 ટકા લાભ આપવામાં આવશે.
ગંગવારે કહ્યું બેરોજગારી લાભ માટે ઇએસઆઇ યોજના હેઠળ દાવા પતાવટ 15 દિવસમાં કરી લેવામાં આવશે. આ યોજનાથી ઇએસઆઇથી જોડાયેલા તે લોકોને રાહત મળશે જેમણે કોવિડ 19 મહામારી દરમિયાન પોતાની નોકરી ગુમાવી છે. આ યોજના હેઠળ 24 માર્ચ 2020થી 31 ડિસેમ્બર 2020ની અવધિમાં ત્રણ મહિનાના સરેરાશ પગારના 5 ટકા બરાબર લાભ આપવામાં આવશે જે પહેલા 25 ટકા આપવામાં આવતો હતો.
મંત્રીએ કહ્યું કે હવે રોજગાર ગયા પછી 30 દિવસની અંદર લાભ માટે દાવો દાખલ કરી શકાય છે. આ પહેલા 90 દિવસમાં આમ કરવું શક્ય હતું. હવે કર્મચારી સ્વયં જ દાવો કરી શકે છે. જ્યારે પહેલા નિયોક્તાના માધ્યમથી આવેદન કરવામાં આવતું હતું. ગંગવાર ESIC બોર્ડના અધ્યક્ષ પણ છે. તેમણે યોજના વિસ્તારમાં આવતા લોકોને આ સેવાનો લાભ ઉઠાવવાની અપીલ કરી છે.
ESIC બોર્ડની ગુરુવારે થયેલી બેઠકમાં લેવામાં આવેલા નિર્ણયથી લગભગલ 40 લાખ ઔદ્યોગિક શ્રમિકોને લાભ થવાની આશા છે. ESIC બોર્ડે અટલ બીમિત વ્યક્તિ કલ્યાણ યોજના હેઠળ બેરોજગારી લાભ હેઠળ ચૂકવણી વધારવા અને પાત્રતાના માપદંડોમાં પણ ઢીલ આપવાની વાતને મંજૂરી આપી છે.
