ટ્રમ્પે કર્યો દાવો, PM મોદીએ કોરોના વાયરસને લઈ મારા કામના કર્યા વખાણ

વોશિંગટનઃ અમેરિકાના રાષ્ટ્રપ્રમુખ ડોનાલ્ડ ટ્રમ્પ (Donald Trump)એ દાવો કર્યો છે કે વડાપ્રધાન નરેન્દ્ર મોદી (PM Narendra Modi)એ કોરોના વાયરસ (Coronavirus) સામેની લડતમાં કરવામાં આવેલા તેમના કામના વખાણ કર્યા છે. ટ્રમ્પે ડેમોક્રેટિક પાર્ટી (Democratic Party)ના પોતાના વિરોધી જો બાઇડેન (Joe Biden) પર પૂર્વ પ્રશાસન દરમિયાન સ્વાઇન ફ્લૂ (Swine Flu)નો સામનો કરવામાં નિષ્ફળતાને લઈ નિશાન સાધતાં દાવો કર્યો છે કે વડાપ્રધાન નરેન્દ્ર મોદીએ કોવિડ-19ની તપાસને લઈને કરવામાં આવેલા કામના વખાણ કર્યા છે. (ફાઇલ તસવીર)

‘મોદીએ મને ફોન કરીને કહ્યું કે, તમે ટેસ્ટિંગના મામલે ઉત્તમ કામ કર્યું છે’ - ટ્રમ્પે નેવાદાના રિનોમાં ચૂંટણી રેલીમાં કહ્યું કે હજુ સુધી અમે ભારત સહિત અન્ય મોટા દેશોથી વધુ તપાસ (કોવિડ-19) કરી છે. અમેરિકા બાદ ભારતે સૌથી વધુ તપાસ કરી છે. આપણે ભારતથી 4.4 કરોડ વધુ તપાસ કરી છે. વડાપ્રધાન (નરેન્દ્ર) મોદીએ મને ફોન કરીને કહ્યું કે તમે તપાસના મામલામાં ઘણું સારું કામ કર્યું છે. (ફાઇલ તસવીર)

‘બાઇડેન પ્રશાસન દરમિયાન ચીની વાયરસનો હુમલો થયો હોત તો વધુ લોકોના મોત થયા હોત’ - ડોનાલ્ડ ટ્રમ્પે કહ્યું કે અમેરિકા દ્વારા કરવામાં આવી રહેલી તપાસ પર મોદીની ટિપ્પણીને મીડિયાને સમજાવવાની જરૂર છે, જે કોવિડ-19 મહામારીનો સામનો કરવાને લઈ તેમની ઉપર નિશાન સાધી રહી છે. (ફાઇલ તસવીર)

ટ્રમ્પે કહ્યું છે કે બાઇડેનનો રેકોર્ડ દર્શાવે છે કે જો ચીની વાયરસ તેમના પ્રશાસન દરમિયાન આવ્યો હોત તો લાખોથી વધુ અમેરિકન લોકોના મોત થાત. ઉપરાષ્ર્)પ્રમુખના રૂપમાં, મંદી બાદ તેમના નેતૃત્વમાં ખૂબ ધીમી ગતિથી આર્થિક સુધાર થયા. (ફાઇલ તસવીર)

ટ્રમ્પે દાવો કર્યો કે છેલ્લા ચાર વર્ષમાં અમેરિકોને નોકરીઓ પરત મળી, સરહદો સુરક્ષિત થઈ અને સેનાનું પુનર્ગઠન થયું. અમેરિકામાં 3 નવેમ્બરે રાષ્ટ્રપ્રમુખની ચૂંટણી પ્રસ્તાવિત છે. જેમાં ટ્રમ્પનો મુકાબલો બાઇડેન સાથે છે. (ફાઇલ તસવીર)