PHOTOS: દિલ્હીમાં ખેડૂતોની ટ્રેક્ટર રેલી, 60 હજાર ટ્રેક્ટર સામેલ થયા હોવાનો દાવો

નવી દિલ્હીઃ કૃષિ કાયદા (New Agriculture Laws) ની વિરુદ્ધ ચાલી રહેલા ખેડૂત આંદોલન (Farmers Protest)નો આજે 43મો દિવસ છે. ખેડૂતો આજે દિલ્હીના ચારે તરફ ટેક્ટર માર્ચ (Tractor March)નું આયોજન કરી રહ્યા છે. તેમનો દાવો છે કે આ માર્ચમાં 60 હજાર ટ્રેક્ટર સામેલ થયા છે. આ માર્ચ સિંઘુ બોર્ડરથી ટિકરી, ટિકરીથી શાહજહાંપુર, ગાજીપુરથી પલપલ અને પલપલથી ગાજીપુર સુધી આયોજિત કરવામાં આવી રહી છે.

ખેડૂતોનું કહેવું છે કે સરકારે માંગ ન સ્વીકારી તો 26 જાન્યુઆરીએ પણ ટ્રેક્ટર પરેડ થશે. આજની માર્ચ તેનું જ ટ્રેલર છે. હરિયાણાના ખેડૂત સંગઠનોએ દરેક ગામથી 10 મહિલાઓને 26 જાન્યુઆરી માટે દિલ્હી બોલાવી છે. (Photo: ANI)

ખેડૂતોએ પલપલમાં ટ્રેક્ટર રેલીનું આયોજન કર્યું. રાષ્ટ્રીય કિસાન મજદૂર મહાસંઘના રાષ્ટ્રીય અધ્યક્ષ શિવ કુમારનું કહેવું છે કે અમે અહીંથી સિંઘુ સરહદ પર આગળ વધીશું. (Photo: ANI)

ગાજિયાબાદના ADM (સિટી) શૈલેન્દ્ર કુમાર સિંહે કહ્યું કે, ખેડૂતોના ટ્રેક્ટર માર્ચને જોતાં પર્યાપ્ત પોલીસ તૈનાત કરવામાં આવી છે. વીડિયો રેકોર્ડિંગ પણ કરવામાં આવી રહ્યું છે. (Photo: ANI)

શૈલેન્દ્ર કુમાર સિંહે વધુમાં કહ્યું કે, પહેલા ખેડૂતો પલપલ સુધી ટ્રેક્ટર રેલી યોજવાના હતા હવે તેઓ નોઇડા સુધી જ જશે અને ગાજીપુર પરત ફરશે. પોલીસ દસળ તૈનાત છે. ખેડૂતોની ટ્રેક્ટર રેલીને ધ્યાનમાં રાખીને કુંડલી-માનેસર-પલપલ ટોલ પ્લાઝા ઉપર પણ કડક સુરક્ષા કરવામાં આવી છે. (Photo: ANI)

ભારતીય કિસાન યૂનિયનના પ્રવક્તા રાકેશ ટિકૈતે જણાવ્યું કે, આજે અમારી ટ્રેક્ટર રેલી ડાસના, અલીગઢ રોડ સુધી જશે અને પછી ગાજીપુર પરત ફરશે. આ 26 જાન્યુઆરીએ એક સમાન રેલી માટેનો પૂર્વાભ્યાસ છે. કેન્દ્ર સરકારની સાથે આગળા ચરણની મંત્રણા કાલે આયોજિત કરવામાં આવશે. (Photo: ANI)