અંડરવર્લ્ડ ડોન દાઉદ ઇબ્રાહિમની બહેન હસીના પારકરના મુંબઇના નાગપાડામાં આવેલા 600 વર્ગ ફૂટના ફ્લેટની હરાજી થઇ હતી. પારકરના આ ફ્લેટ માટે સૌથી ઊંચી બોલી 1.80 કરોડ લગાવવામાં આવી હતી. જોકે, આ ફ્લેટ કોણે ખરીદ્યું છે તે અંગે કોઇ માહિતી મળી નથી.
ગાર્ડન એપાર્ટમેન્ટના આ ફ્લેટમાં દાઉદની બહેન હસીના પારકર રહેતી હતી. ઘણા વર્ષો પહેલાં હસીના પારકરનું મોત થયું હતું. ઘણી લાંબી ચાલેલી કાયદાકીય લડત બાદ સાફેમાને ઘરનો કબ્જો મળ્યો હતો.
આ પહેલાં મુંબઇમાં દાઉદની મિલકતની 3.51 કરોડ રૂપિયામાં હરાજી થઇ હતી. આ હરાજી સૈફી બુરાની અપલિફ્ટમેન્ટ ટ્રસ્ટે જીતી હતી. આ પહેલાં દાઉદની ઘણી પ્રોપર્ટીની હરાજી થઇ ચૂકી છે, પરંતુ તેનો કબજો નથી લઇ શકાયો.
સીબીઆઇએ 1993ના મુંબઇ સીરિયલ ધમાકાના આરોપી દાઉદ ઇબ્રાહિમની કુલ 10 સંપત્તિ જપ્ત કરી હતી. સૈફી બુરહાની અપલિફ્ટમેન્ટ ટ્રસ્ટે વર્ષ 2015માં રોનક અફરોઝ હોટલ પર બોલી લગાવી હતી, પરંતુ ત્યારે પૂર્વ પત્રકાર બાલાકૃષ્ણે બાજી મારી હતી. તેમણે બાકીની રકમ જમા ન કરાવતાં હરાજી ફેલ થઇ ગઇ હતી.
