મુલાયમ સિંહ યાદવ પંચતત્વોમાં થયા વિલીન, અખિલેશે આપ્યો અગ્નિદાહ

ઉત્તર પ્રદેશના પૂર્વ મુખ્યમંત્રી અને સમાજવાદી પાર્ટીના સંસ્થાપક મુલાયમ સિંહ યાદવના અંતિમ દર્શન કરવા આજે સપાના વરિષ્ઠ નેતા અને રાષ્ટ્રીય મહાસચિવ આઝમ ખાન પણ પહોંચ્યા. આ દરમિયાન તેઓ ભાવુક થઈ ગયા હતા. તેમની સાથે તેમનો દીકરો અબ્દુલ્લા આઝમ પણ હાજર હતો. આજમ ખાનના પહોંચતા જ મુલાયમ સિંહનો પરિવાર ભાવુક થઈ ગયો.

તેમજ સપા પ્રમુખ શિવપાલ સિંહ યાદવ, સમાજવાદી પાર્ટીના સાંસદ રામ ગોપાલ યાદવ, ભાજપ સાંસદ રીટા બહુગુણા જોશી અને અન્ય નેતાઓ અને સામાન્ય લોકોએ સૈફઈમાં દિગ્ગજ રાજનેતા મુલાયમ સિંહ યાદવને અંતિમ શ્રદ્ધાંજલિ આપી.

તે સાથે જ રાજસ્થાનના મુખ્યમંત્રી અશકો ગેહલોત મુલાયમ સિંહના અંતિમ સંસ્કારમાં હાજરી આપવા સૈફઈ પહોંચ્યા. ગેહલોત બપોરે 1.45 વાગે પહોંચશે.

કોંગ્રેસની તરફથી મધ્ય પ્રદેશના પૂર્વ મુખ્યમંત્રી કમલ નાથ અને છત્તીસગઢના મુખ્યમંત્રી ભૂપેશ બધેલ પૂર્વ મુખ્યમંત્રી મુલાયમ સિંહ યાદવના અંતિમ સંસ્કારમાં સામેલ થશે.

સમાજવાદી પાર્ટી (સપા) સુપ્રીમો અને ઉત્તર પ્રદેશના પૂર્વ સીએમ મુલાયમ સિંહ યાદવનો પાર્થિવ દેહ ઈટાવાના સૈફઈના નુમાઈશ ગ્રાઉન્ડમાં લોકોના અંતિમ દર્શન કરવા માટે રાખવામાં આવ્યો છે. તેમના અંતિમ સંસ્કાર રાજકીય સન્માનની સાથે કરવામાં આવશે.

આંધ્રપ્રદેશના પૂર્વ મુખ્યમંત્રી અને વિધાનસભામાં વિપક્ષના નેતા ચંદ્રબાબુ નાયડુ પણ મુલાયમ સિંહ યાદવના અંતિમ દર્શન કરવા માટે સૈફઈ પહોંચ્યા. ચંદ્રબાબુએ તેમને શ્રદ્ધાંજિલ આપી.