COVID-19: ભારતમાં રિકવરી રેટ વધીને 96.8%એ પહોંચ્યો, 24 કલાકમાં 18 હજાર દર્દી સાજા થયા

Coronavirus in India: ભારતમાં કુલ 10,43,534 લોકોને કોરોના વેક્સીનેશન કાર્યક્રમ હેઠળ પહેલો ડોઝ આપવામાં આવી ચૂક્યો છે. પરંતુ છેલ્લા થોડાક દિવસમાં કોરોના સંક્રમિતના કેસોમાં આંશિક વધારો પણ જોવા મળ્યો છે. પણ રાહતની વાત એ છે કે રિકવરી રેટ વધતાં મૃત્યુઆંક 200થી નીચે આવી ગયો છે. શુક્રવારે કેન્દ્રીય સ્વાસ્થ્ય વિભાગ દ્વારા જાહેર કરવામાં આવેલા આંકડાઓ મુજબ, છેલ્લા 24 કલાકમાં દેશમાં 14,545 નવા પોઝિટિવ કેસો નોંધાયા છે. આ ઉપરાંત કોવિડ-19 (COVID-19)ના કારણે 163 દર્દીઓએ પોતાના જીવ ગુમાવ્યા છે. દેશમાં હવે કુલ સંક્રમિતોની સંખ્યા વધીને 1,06,25,428 થઈ ગઈ છે. (પ્રતીકાત્મક તસવીર)

નોંધનીય છે કે, ભારતમાં કોવિડ-19 (Covid-19)ની મહામારી સામે લડીને 1 કરોડ 2 લાખ 53 હજાર 32 લોકો સાજા પણ થઇ ચૂક્યા છે. 24 કલાકમાં 18,002 દર્દીઓને ડિસ્ચાર્જ કરવામાં આવ્યા છે. હાલમાં 1,88,688 એક્ટિવ કેસો છે. ભારતમાં રિકવરી રેટ 96.8 ટકાએ પહોંચી ગયો છે. બીજી તરફ, અત્યાર સુધીમાં કુલ 1,53,032 લોકોનાં કોરોના વાયરસના કારણે મોત થયા છે. (પ્રતીકાત્મક તસવીર)

બીજી તરફ, ઈન્ડિયન કાઉન્સિલ ઓફ મેડિકલ રિસર્ચ (ICMR)એ શુક્રવારે જાહેર કરેલા આંકડાઓ મુજબ, 21 જાન્યુઆરી સુધીમાં ભારતમાં કુલ 19,01,48,024 કોરોના સેમ્પલનું ટેસ્ટિંગ કરવામાં આવ્યું છે. નોંધનીય છે કે, ગુરુવારના 24 કલાકમાં 8,00,242 સેમ્પલનું ટેસ્ટિંગ કરવામાં આવ્યું છે. (પ્રતીકાત્મક તસવીર)

ગુજરાતમાં છેલ્લા 24 કલાકમાં કોરોના વાયરસના (Coronavirus)નવા 471 કેસ નોંધાયા છે. જેની સામે 727 દર્દીઓ સાજા થયા છે. છેલ્લા 24 કલાકમાં રાજ્યમાં કોવિડ-19 (Covid19)ના કારણે 1 દર્દીનું મોત થયું છે. રાજ્યમાં કુલ મૃત્યુઆંક 4372 થયો છે. રાજ્યમાં સાજા થવાનો દર 96.17 ટકા છે. રાજયમાં આજે 12,487 વ્યક્તિઓને કોરોનાની રસી આપવામાં આવી છે. અત્યાર સુધીમાં કુલ 35,851 વ્યક્તિઓનું રસીકરણ થયું છે. (પ્રતીકાત્મક તસવીર)

ગુજરાતના આરોગ્ય વિભાગે આપેલી વિગતો પ્રમાણે નવા નોંધાયેલા કેસમાં અમદાવાદમાં 95, સુરતમાં 91, વડોદરામાં 96, રાજકોટમાં 59, ગાંધીનગરમાં 14, જૂનાગઢ, કચ્છમાં 10, આણંદ, મોરબીમાં 8-8, જામનગરમાં 7, અમરેલી, દાહોદ, ગીર સોમનાથ, ખેડામાં 6-6 સહિત કુલ 471 કેસ નોંધાયા છે. (પ્રતીકાત્મક તસવીર)

ગુજરાતમાં 24 કલાકમાં રાજ્યમાં કોરોનાના કારણે 1 દર્દીનું મોત થયું છે. આ મોત અમદાવાદમાં થયું છે. બીજી તરફ અમદાવાદમાં 183, સુરતમાં 107, વડોદરામાં 183, રાજકોટમાં 65, કચ્છમાં 12, અરવલ્લીમાં 14, મહેસાણામાં 19, જામનગરમાં 17 સહિત 727 દર્દીઓએ કોરોના વાયરસને મ્હાત આપી છે. (પ્રતીકાત્મક તસવીર)

ગુજરાતમાં અત્યારે કુલ 5491 દર્દીઓ એક્ટિવ પેશન્ટ તરીકે દાખલ છે, જેમાં 52 દર્દીઓ વેન્ટીલેટર પર છે. રાજ્યમાં 5439 દર્દીઓ સ્ટેબલ છે. રાજ્યમાં અત્યાર સુધીમાં 2,47,950 દર્દીઓને ડિસ્ચાર્જ કરવામાં આવ્યા છે. (પ્રતીકાત્મક તસવીર)