India Corona Cases: 24 કલાકમાં 18,139 નવા પોઝિટિવ કેસ, 234 દર્દીનાં મોત

નવી દિલ્હી: દેશમાં આજે કોરોના વેક્સીનના બીજું ડ્રાય રન 700 જેટલા જિલ્લાઓમાં કરવામાં આવી રહ્યું છે. તેની વચ્ચે કોરોનાના 24 કલાકના આંકડા થોડા રાહત આપનારા છે. પરંતુ ચિંતાની બાબત એ છે કે રોજ 200થી વધુ લોકો કોવિડ-19ની સામે જંગ હારી જાય છે. શુક્રવારે કેન્દ્રીય સ્વાસ્થ્ય વિભાગ દ્વારા જાહેર કરવામાં આવેલા આંકડાઓ મુજબ, છેલ્લા 24 કલાકમાં દેશમાં 18,139 નવા પોઝિટિવ કેસો નોંધાયા છે. આ ઉપરાંત કોવિડ-19 (COVID-19)ના કારણે 234 દર્દીઓએ પોતાના જીવ ગુમાવ્યા છે. દેશમાં હવે કુલ સંક્રમિતોની સંખ્યા વધીને 1,04,13,417 થઈ ગઈ છે. (પ્રતીકાત્મક તસવીર)

બીજી તરફ, દેશમાં કોવિડ-19 (Covid-19)ની મહામારી સામે લડીને 1 કરોડ 37 હજાર 398 લોકો સાજા પણ થઇ ચૂક્યા છે. 24 કલાકમાં 20,539 દર્દીઓને ડિસ્ચાર્જ કરવામાં આવ્યા છે. હાલમાં 2,25,449 એક્ટિવ કેસો છે. દેશમાં અત્યાર સુધીમાં કુલ 1,50,570 લોકોનાં કોરોના વાયરસના કારણે મોત થયા છે. (પ્રતીકાત્મક તસવીર)

નોંધનીય છે કે, ઈન્ડિયન કાઉન્સિલ ઓફ મેડિકલ રિસર્ચ (ICMR)એ શુક્રવારે જાહેર કરેલા આંકડાઓ મુજબ, 7 જાન્યુઆરી સુધીમાં ભારતમાં કુલ 17,93,36,364 કોરોના સેમ્પલનું ટેસ્ટિંગ કરવામાં આવ્યું છે. નોંધનીય છે કે, ગુરુવારના 24 કલાકમાં 9,35,369 સેમ્પલનું ટેસ્ટિંગ કરવામાં આવ્યું છે. (તસવીર- ICMR)

ગુજરાતમાં 24 કલાકમાં કોરોના વાયરસના નવા 667 કેસ નોંધાયા છે. જેની સામે 899 દર્દીઓ સાજા થયા છે. 24 કલાકમાં રાજ્યમાં કોવિડ-19 (Covid19)ના કારણે 3 દર્દીઓના મોત થયા છે. રાજ્યમાં કુલ મૃત્યુઆંક 4332 થયો છે. રાજ્યમાં કુલ 47,942 ટેસ્ટ કરવામાં આવ્યા છે. રાજ્યમાં સાજા થવાનો દર 94.92 ટકા છે. (પ્રતીકાત્મક તસવીર)

ગુજરાતના આરોગ્ય વિભાગે આપેલી વિગતો પ્રમાણે રાજ્યમાં નવા નોંધાયેલા કેસમાં અમદાવાદમાં 133, સુરતમાં 120, સુરત જિલ્લામાં 37, વડોદરામાં 119, રાજકોટમાં 80, જૂનાગઢમાં 21, કચ્છ, ગાંધીનગરમાં 17-17, ભરુચમાં 16, જામનગર, ભાવનગરમાં 15-15, દાહોદ, મહેસાણામાં 14-14, આણંદ, ખેડામાં 10-10 સહિત કુલ 667 કેસ નોંધાયા છે. (પ્રતીકાત્મક તસવીર)

ગુજરાતમાં 24 કલાકમાં કોરોનાના કારણે 3 દર્દીઓના મોત થયા છે. અમદાવાદમાં 2 જ્યારે સુરતમાં 1 દર્દીનું મોત થયું છે. બીજી તરફ અમદાવાદ શહેરમાં 137, સુરતમાં 173, 26 વડોદરામાં 157, રાજકોટમાં 73, ગાંધીનગરમાં 28, દાહોદમાં 39, જૂનાગઢમાં 73, મોરબીમાં 27, સુરેન્દ્રનગરમાં 20 સહિત 899 દર્દીઓએ કોરોના વાયરસને મ્હાત આપી છે. (પ્રતીકાત્મક તસવીર)

ગુજરાતમાં અત્યારે કુલ 8359 દર્દીઓ એક્ટિવ પેશન્ટ તરીકે દાખલ છે, જેમાં 58 દર્દીઓ વેન્ટીલેટર પર છે. રાજ્યમાં 8301 દર્દીઓ સ્ટેબલ છે. રાજ્યમાં અત્યાર સુધીમાં 2,37,222 દર્દીઓને ડિસ્ચાર્જ કરવામાં આવ્યા છે. (પ્રતીકાત્મક તસવીર)