સીરમ ઇન્સ્ટિટ્યૂટના CEO અદાર પૂનાવાલાને કહ્યું, ભારતને ડિસેમ્બર સુધીમાં મળશે કોરોના વેક્સીન
અદાર પૂનાવાલાએ કહ્યું કે, બે મહિનાની અંદર કોરોના વેક્સીનના એક ડોઝની કિંમત નક્કી કરી દેવામાં આવશે
નવી દિલ્હીઃ પુણે સ્થિત સીરમ ઇન્સ્ટિટ્યૂટ (Serum Institute)ના સીઇઓ અદાર પૂનાવાલા (Adar Poonawalla)એ કહ્યું છે કે કોરોના વેક્સીન (Corona Vaccine)આ વર્ષના અંત સુધીમાં તૈયાર થઈ જવાની આશા છે. તેઓએ જણાવ્યું કે કિંમતને લઈ હજુ કંઈ નક્કી નથી કરવામાં આવ્યું, પરંતુ બે મહિનામાં ફાઇનલ કરી દેવામાં આવશે. પૂનાવાલાએ કહ્યું કે, એ જણાવી દેવામાં આવશે કે એક ડોઝની કિંમત શું રાખવામાં આવશે. (તસવીર: Twitter/@adarpoonawalla)
સીરમ ઇન્સ્ટિટ્યૂટ ઓફ ઈન્ડિયાએ કોવિડ-19ની વેક્સીન માટે ગાવિ અને બિલ એન્ડ મલિન્ડા ગેટ્સ ફાઉન્ડેશન સાથે કરાર કર્યા છે. જે હેઠળ કોવિડ-19ની વેક્સીનના 10 કરોડ ડોઝનું ઉત્પાદન કરવામાં આવશે. આ પહેલા કહેવામાં આવી રહ્યું હતું કે સીરમ ઇન્સ્ટિટ્યૂટ ભારતના નિવાસીઓને 225 રૂપિયામાં કોરોના મહામારીનું વેક્સીન ઉપલબ્ધ કરાવશે. (પ્રતીકાત્મક તસવીર)
92 દેશોને આપવામાં આવશે વેક્સીન - સીરમ ઇન્ટિષ્ટ્યૂટ ઓફ ઈન્ડિયા ભારતમાં તેને કોવિશીલ્ડના નામથી લૉન્ચ કરશે. સીરમ ઇન્સ્ટિટ્યૂટે ભારત અને અન્ય દેશો માટે નોવોવૈક્સ વેક્સીનના 10 કરોડ ડોઝનું ઉત્પાદનનું લક્ષ્ય રાખ્યું છે. કંપનીએ કહ્યું છે કે કંપની ગવીના કોવૈક્સ એડવાન્સ માર્કેટ કમિટમેન્ટ હેઠળ દુનિયાના 92 દેશોને વેક્સીન ઉપલબ્ધ કરાવશે. ગવી કાવૈક્સ ફેસિલિટીનું નેતૃત્વ કરે છે, જેની રચના સમગ્ર દુનિયામાં કોરોનાની વેક્સીનને સૌથી વધુ અને નિષ્પક્ષ રીતે પહોંચાડવા માટે કરવામાં આવે છે. (પ્રતીકાત્મક તસવીર)
અનેક દેશોમાં વેક્સીન માટે પ્રયાસો ચાલુ - કોરોના વાયરસના સતત વધી રહેલા ખતરાની વચ્ચે દુનિયાના અનેક દેશો કોરોના વેક્સીન માટે પ્રયાસો કરી રહ્યા છે અને ટ્રાયલ હાથ ધરવામાં આવી રહ્યા છે. કોરોના વાયરસ વેક્સીન તૈયાર કરવા માટે દુનિયાભરમાં લગભગ 200 પ્રોજેક્ટ્સ પર કામ ચાલી રહ્યું છે. લગભગ બે ડઝન વેક્સીન ક્લિનિકલ ટ્રાયલની પ્રક્રિયામાં છે. ભારત ઉપરાંત અનેક દેશ સતત વેક્સીનને લઈ અલગ-અલગ દાવા કરી રહ્યા છે. (પ્રતીકાત્મક તસવીર)