1/ 7
Coronavirus in India, 13 July 2021: ભારતમાં કોરોનાની બીજી લહેર ખૂબ જ ધીમી પડી ગઈ હોય એવું લાગી રહ્યું છે. સ્વાસ્થ્ય મંત્રાલયે જાહેર કરેલા આંકડાઓ મુજબ, 118 દિવસ બાદ સંક્રમણના સૌથી ઓછા કેસ નોંધાયા છે. આ ઉપરાંત રિકવરી રેટમાં પણ સુધારો નોંધાતા તે 97.28 ટકા થઈ ગયો છે. ભારતમાં 109 દિવસ બાદ એક્ટિવ કેસ સૌથી ઓછા થયા છે જેની આરોગ્ય તંત્રે રાહતનો શ્વાસ લીધો છે. નોંધનીય છે કે, મધ્ય પ્રદેશે બેકલોગ મૃત્યુનો આંકડો 1478 જાહેર કર્યો છે. જેના કારણે 24 કલાકમાં મૃત્યુ પામનારા દર્દીઓની સંખ્યામાં 16 ટકા જેટલો વધારો નોંધાયો છે. (પ્રતીકાત્મક તસવીર)
2/ 7
સ્વાસ્થ્ય મંત્રાલયે જાહેર કરવામાં આવેલા આંકડાઓ મુજબ, છેલ્લા 24 કલાકમાં દેશમાં 31,443 નવા (Corona Positive Cases) પોઝિટિવ કેસો નોંધાયા છે. આ ઉપરાંત કોવિડ-19 (COVID-19)ના કારણે 2020 દર્દીઓએ પોતાના જીવ ગુમાવ્યા છે. દેશમાં હવે કુલ સંક્રમિતોની સંખ્યા વધીને 3,09,07,282 થઈ ગઈ છે. બીજી તરફ, દેશમાં કુલ 37,73,52,501 લોકોને કોરોના વેક્સીન (Corona Vaccine)ના ડોઝ આપવામાં આવ્યા છે. એક દિવસમાં 12,35,287 લોકોને રસી આપવામાં આવી છે.
3/ 7
આ ઉપરાંત, કોવિડ-19 મહામારી (Covid-19 Pandemic) સામે લડીને 3 કરોડ 63 હજાર 720 લોકો સાજા પણ થઇ ચૂક્યા છે. 24 કલાકમાં 49,007 દર્દીઓને ડિસ્ચાર્જ કરવામાં આવ્યા છે. હાલમાં 4,31,315 એક્ટિવ કેસ છે. બીજી તરફ, અત્યાર સુધીમાં કુલ 4,10,784 લોકોનાં કોરોના વાયરસના કારણે મોત થયા છે. (પ્રતીકાત્મક તસવીર)
4/ 7
વિશેષમાં, ઈન્ડિયન કાઉન્સિલ ઓફ મેડિકલ રિસર્ચ (ICMR)એ જાહેર કરેલા આંકડાઓ મુજબ, 12 જુલાઈ, 2021 સુધીમાં ભારતમાં કુલ 43,40,58,138 કોરોના સેમ્પલનું ટેસ્ટિંગ કરવામાં આવ્યું છે. સોમવારના 24 કલાકમાં 17,40,325 સેમ્પલનું ટેસ્ટિંગ કરવામાં આવ્યું છે. (પ્રતીકાત્મક તસવીર)
5/ 7
ગુજરાત (Gujarat)માં છેલ્લા 24 કલાકમાં કોરોના વાયરસના નવા 32 કેસ નોંધાયા છે. જેની સામે 162 દર્દીઓ સાજા થયા છે. 24 કલાકમાં રાજ્યમાં કોવિડ-19ના કારણે એક દર્દીનું મોત થયું છે. રાજ્યમાં કુલ મૃત્યુઆંક 10074 થયો છે. રાજ્યમાં સાજા થવાનો દર 98.68 ટકા છે. (પ્રતીકાત્મક તસવીર)
6/ 7
ગુજરાતમાં અત્યાર સુધીમાં 2,81,15,181 ડોઝ કોરોના વેક્સીનના આપવામાં આવ્યા છે. સોમવારે કુલ 2,54,759 વ્યક્તિઓનું રસીકરણ થયું. રાજ્યના 20 જિલ્લા અને 2 મહાનગરમાં કોરોના વાયરસના શૂન્ય કેસ નોંધાયા છે. (પ્રતીકાત્મક તસવીર)
7/ 7
ગુજરાતના અન્ય જિલ્લાઓમાં 1-9 કેસ નોંધાયા છે જેમાં સૌથી વધુ કેસ અમદાવાદ શહેર નોંધાયા છે. સૌથી વધુ રસીકરણ આજે અમદાવાદ શહેરમાં થયું. અમદાવાદમાં 21,187 દર્દીઓને રસી આપવામાં આવી. રાજ્યમાં હવે કોરો વાયરસના કુલ એક્ટિવ કેસ 801 જ છે જ્યારે ફક્ત 7 દર્દીઓ વેન્ટીલેટર પર છે. રાજ્યમાં આ પૈકીના 794 દર્દીઓ સ્ટેબલ છે. જ્યારે અત્યારસુધીમાં કુલ 8,13,399 દર્દીઓ ડિસ્ચાર્જ થઈ ગયા છે. રાજ્યમાં આ કોરોનાવાયરસનો ઐતિહાસિક તળિયે આવેલો આંકડો છે. (પ્રતીકાત્મક તસવીર)
