COVID-19: દેશમાં 91 દિવસ બાદ 50 હજારથી ઓછા કોરોના કેસ, 24 કલાકમાં 1167 દર્દીનાં મોત

COVID-19 in India, 22 June 2021: કોરોના વાયરસની બીજી લહેર (Coronavirus Second Wave)નો પ્રકોપ બિલકુલ ઓછો થયો હોય એવું આંકડાઓ ઉપરથી લાગી રહ્યું છે. દેશવાસીઓ માટે મોટા રાહતના સમાચાર એ છે કે 91 દિવસ બાદ 50 હજારથી ઓછા લોકો એક દિવસમાં સંક્રમિત (Corona New Cases) થયા છે. આ ઉપરાંત 24 કલાકમાં નોંધાતા મૃત્યુઆંકમાં પણ મોટો ઘટાડો નોંધાયો છે. નોંધનીય છે કે, દેશમાં હાલ રિકવરી રેટ (Covid Recovery Rate) 96.5 ટકા છે. (પ્રતીકાત્મક તસવીર)

મંગળવારે કેન્દ્રીય સ્વાસ્થ્ય મંત્રાલય દ્વારા જાહેર કરવામાં આવેલા આંકડાઓ મુજબ, છેલ્લા 24 કલાકમાં દેશમાં 42,640 નવા (Corona Positive Cases) પોઝિટિવ કેસો નોંધાયા છે. આ ઉપરાંત કોવિડ-19 (COVID-19)ના કારણે 1,167 દર્દીઓએ પોતાના જીવ ગુમાવ્યા છે. દેશમાં હવે કુલ સંક્રમિતોની સંખ્યા વધીને 2,99,77,861 થઈ ગઈ છે. બીજી તરફ, દેશમાં કુલ 28,87,66,201 લોકોને કોરોના વેક્સીન (Corona Vaccine)ના ડોઝ આપવામાં આવ્યા છે.

વિશેષમાં, કોવિડ-19ની મહામારી (Covid-19 Pandemic) સામે લડીને 2 કરોડ 89 લાખ 26 હજાર 38 લોકો સાજા પણ થઇ ચૂક્યા છે. 24 કલાકમાં 81,839 દર્દીઓને ડિસ્ચાર્જ કરવામાં આવ્યા છે. હાલમાં 6,62,521 એક્ટિવ કેસ છે. બીજી તરફ, અત્યાર સુધીમાં કુલ 3,89,302 લોકોનાં કોરોના વાયરસના કારણે મોત થયા છે. (પ્રતીકાત્મક તસવીર)

નોંધનીય છે કે, ઈન્ડિયન કાઉન્સિલ ઓફ મેડિકલ રિસર્ચ (ICMR)એ આજે જાહેર કરેલા આંકડાઓ મુજબ, 21 જૂન, 2021 સુધીમાં ભારતમાં કુલ 39,40,72,142 કોરોના સેમ્પલનું ટેસ્ટિંગ કરવામાં આવ્યું છે. સોમવારના 24 કલાકમાં 16,64,360 સેમ્પલનું ટેસ્ટિંગ કરવામાં આવ્યું છે. (પ્રતીકાત્મક તસવીર)

ગુજરાતની વાત કરીએ તો, છેલ્લા 24 કલાકમાં કોરોના વાયરસના નવા 151 કેસ નોંધાયા છે. જેની સામે 619 દર્દીઓ સાજા થયા છે. 24 કલાકમાં રાજ્યમાં કોવિડ-19ના કારણે 2 દર્દીના મોત થયા છે. હવે કુલ મૃત્યુઆંક 10034એ પહોંચી ગયો છે. હાલમાં માત્ર 5639 દર્દીઓ જ કોરોનાની સારવાર હેઠળ છે જ્યારે કુલ 113 દર્દીઓ વેન્ટિલેટર પર છે. રાજ્યમાં કુલ 5526 દર્દીઓ સ્ટેબલ છે જ્યારે 8,06,812 દર્દીઓ ડિસ્ચાર્જ થઈ ગયા છે. (પ્રતીકાત્મક તસવીર)

સંક્રમણના નવા કેસોની વાત કરીએ તો, અમદાવાદ શહેરમાં 36 કેસ નોંધાયા છે જ્યારે સુરત શહેરમાં 16 કેસ નોંધાયા છે જ્યારે જૂનાગઢ જિલ્લો, સુરત જિલ્લો, વડોદરા જિલ્લામાં 10-10 કેસ નોધાયા છે. રાજકોટ શહેરમાં 9 અને વડોદરા શહેરમાં 7 કેસ નોંધાયા છે જ્યારે વલસાડમાં 6 કેસ નોંધાયા છે. (પ્રતીકાત્મક તસવીર)

ગુજરાતમાં રિકવરી રેટ 98.09 ટકા છે. અત્યાર સુધીમાં 2,25,56,262 ડોઝ કોરોના વેક્સીનના આપવામાં આવ્યા છે. સોમવારે ઐતિહાસિક 4,87,960 વ્યક્તિઓનું રસીકરણ કરવામાં આવ્યું છે. આ જ આંકડો દેશભરમાં પણ રેકોર્ડબ્રેક છે. (પ્રતીકાત્મક તસવીર)